Ti je ndryshimi, mos u dorëzo kurrë!

Kurrë mos u dorëzo ! Ti nuk mundesh të dorëzohesh pikërisht tani. Bekimet e dikujt janë bekimet e dikujt dhe bekimet e tua janë bekimet e tua. Merr atë që është e jotja.  Bejë për veten tënde.
Cdo ditë duhet të zgjohesh me një përgjegjësi mbi shpatulla. Dhe kjo nuk do të thotë të bësh për të qenë mirë për të tjerët pa qenë mirë për vete!
Kjo do të thotë të mos dorëzohesh për veten tende, për familjen tënde dhe për të dashurit e tu, për të treguar se je i pathyeshëm!
Por të mos dorëzohesh nuk lidhet vetëm me përgjegjësitë e tua por edhe me njerzit që të rrethojnë, ti duhet të jesh ndryshimi, duhet të sjellësh lajme të mira, mundësi, dije, dritë. Nga njerzit e vegjël nisin ndryshimet e medha .
Nëse po më kupton se cfarë po them vazhdo, jepi, tregoje kush je.
He , hey shiko…
Mos harro kurrë se të qenurit mirë për vete është të qenurit mirë edhe për të tjerët, por që rrallë herë ndodh pasi ne ecim me iden se të qenurit mirë për të tjerët është mirë edhe për ne!
Gëzimi yt, e ardhmja jote, është e bazuar në atë cfarë ti e ndërton vetë me forcat e tua, jo me mendimet dhe punët e të tjerëve .
Por nuk mund të jesh i lumtur dhe i gëzuar cdo ditë por pavarësisht cfarë ndodh mos u dorëzo por shijoji momentet e vështira duke u argëtuar, duke u forcuar, duke u ngritur akoma më lart se aty ku je.
Jeta jote është e dhënë nga Zoti por mënyra sesi ti i shfrytëzon bekimet e tij është e varur nga ti. Cdo njeri e ka një mision në këtë jetë, pra ti je ndryshimi. Kështuqë mos u dorëzo, por lufto, përpiqu, jep me të mirën. Ti je ndryshimi, TI JE E ARDHMJA. Mos u dorëzo deri në frymën e fundit. TI MUNDESH !

Nga: Alfons Zymaj
Gjimnazi At’Shtjefen Gjecovi