Home / Rubrikë / Zëri i të rinjve / Shën Valentini

Shën Valentini

Shën Valentini, festa e dashurisë, dita e dedikuar atij që dua… ose më saktë dita që ai duhet të më kushtojë mua!
Këtë Shën Valentin dua shumë, dua atë, dua botën!
Dua të më plotësohen dëshirat si Jamie-t në shëtitjen e paharrueshme.
Dua të shoh yjet si ajo dhe Landoni dhe qielli të jetë po aq i bukur sa Jim Carrie e bën në javën e tij në vend të Zotit.
Dua të shoh balonat me drita si Rapunzel-a dhe hënën, hënën që kudo që të jem është gjithnjë më e vogël se gishti im i madh sic thotë Dear John.
Megjithatë unë dua të jem në majën e një qiellgërvishtëseje si ato njujorkezet të shokëve me përfitime, Mila Kunis dhe Justin Timberlake.
Dua që si për Mila-n të gjithë të kërcejnë për mua në një stacion të vjetër treni, kurse unë dhe ai..unë dhe ai të kërcejmë në mes të rrugëve të shkreta të një qyteti të vogël, pa muzikë, pa e vrarë mendjen për makinat e kalimtarët, si Noah dhe Allie në veprën e Nicholas Sparks.
Në një lokal të vogël, të ngrohtë, në një rrugicë të akullt, dua të hamë një kuti çokollatash të shijeve të ndryshme si ato të The vow, dhe të shkruajmë për dashurinë në menu restorantesh.
Dua shkrime dashurie si kartolinat e Tomit në 500 days of summer, ose si letrat me nënshkrimin P.S. Të dua.
Dhe lule…trëndafila si ata që ngjyros Liza në botën e çudirave; një tullumbace si ajo e Ashton Kutcher në No strings attached dhe një arush të stërmadh si ai i Taylor Swift-it në filmin me Lautner-in.
Dhe së fundi dua të më pyes si Jack pyet Rose-in: “Where to miss?” , dhe unë t’i përgjigjem: “Drejt yjeve!”, sepse gjithçka dua është të ndjehem tre metra mbi qiell…

Nga: Uendi Kodheli

 

    EMËR & MBIEMËR (e domosdoshme)

    EMAIL (e domosdoshme)

    TEMA (e domosdoshme)

    MESAZHI JUAJ (e domosdoshme)