Në kuadër të iniciativës “U4Politics 4.0_Politic’s never been that cool!”, Kongresi Rinor Kombëtar në bashkëpunim të ngushtë me Fondacionin Gjerman Hanns Seidel, po hap thirrjen për të zgjedhur 25 të rinj aktivë, të cilët do të ndjekin online, nëpërmjet platformës Zoom, Akademinë e Reformës në Administratën Publike dhe Politikat Qeverisëse. Akademia e Reformës në Administratën Publike do të mbahet gjatë datave 17-18-19-20 Qershor dhe pjesëmarrja e të përzgjedhurve është e detyrueshme. Të gjithë të rinjtë e motivuar dhe të interesuar për rolin dhe funksionimin e administratës publike, politikat qeverisëse dhe politikat publike, mekanizmat për t'u bërë pjesë e administratës publike, institucionet përgjegjëse për menaxhimin dhe ngritjen e kapaciteteve të administratës publike, dhe për të fituar njohuri të vlefshme dhe për të thelluar aftësitë tuaja mbi këtë çështje, ju ftojmë të aplikoni për tu bërë pjesë e Akademisë mbi Reformën në Administratën Publike dhe Politikat Qeverisëse. Për të marrë pjesë dhe për t’u bashkuar me këtë mundësi, duhet të jeni: Një i/e ri/re midis moshës 18 dhe 29 vjeç; Ndjek studimet ose është diplomuar në degët; Shkenca Sociale, Administrim Publik, Gazetari, Drejtësi, Ekonomi, Menaxhim Publik, Shkenca Politika, Marrëdhënie Ndërkombëtare. I/E apasionuar ose i/e interesuar mbi politikat dhe administratën publike Ju lutemi plotësoni formularin e mëposhtëm dhe dërgoni CV-në tuaj, një letër motivimi dhe një video ku prezantoni veten dhe motivin e aplikimit duke përfshirë të dhëna mbi edukimin, punësimin dhe eksperiencat në aktivizëm në 1-3 minuta në info@krk.al. Apliko këtu: https://forms.office.com/r/8tCaA4ZMLA Të përzgjedhurit e Akademisë do të kenë mundësinë të ndjekin një cikël akademie të certifikuar nga lektorët më të mirë të fushës, dhe do të bëhen pjesë e platformës dixhitale U4Politics. Ju do të merrni pjesë në hartimin e rezolutës së të rinjve mbi administratën publike dhe politikat qeverisëse e do të jeni target në objekt të gjithë programit vjetor. Shpjegim: Thirrja do të jetë e hapur për 10 ditë, dhe mënjëherë pas mbledhjes së jurisë dhe vlerësimit, do t’ju komunikohet rezultati
Karta Rinore Evropiane Do More. Be More.
You must be logged in to post a comment.