Home / Njoftime dhe Evente / MYSTERY @ CreativeMornings Tirana

MYSTERY @ CreativeMornings Tirana


Misteri është tema e janarit për 160 qytete të botës, që organizojnë CreativeMornings. Kjo temë është zgjedhur nga CM Houston.
Për këtë temë do flasë lektori dhe artisti i njohur Shpend Bengu, të premten 27 janar, ora 9:30 në Laboratorin e Grafikës Artistike dhe Multimedias te Universiteti Europian i Tiranës.

 

Vetë ekzistenca jonë është një mister. Kalimi dhe transformimi ynë nga një substancë në tjetrën, në ekzistencën tonë të përkohshme, në realitete të ndryshme, për t’u kthyer sërish në pluhur kozmik është një mister më vete. I gjithë ky mister nis me një akt ngjizjeje. Gjatë 9 muajve në një univers likuid ne përjetojmë në memorien tonë të gjitha transformimet dhe eksperiencat e species sonë gjatë miliona viteve. Pas kalimit të përgjakshëm nga realiteti likuid në atë tokësor ekzistenca dhe memoria jonë në këtë realitet është shumë e shkurtër në krahasim me kohën që na është dashur për të ardhur deri këtu. 
Gjatë ekzistencës në realitetin tokësor, kemi kërkuar gjithnjë që të lëmë një shenjë në memorien tonë, si mesazh të kësaj ekzistence për pasardhësit tanë. Të tilla janë dhe mesazhet e piktogrameve dhe petroglifeve të paraardhesve tanë prehistorikë në Shqiperi, të cilat ashtu si dhe në shumë vende të tjera të botës mbeten ende një mister. Zbulimi dhe shkodimi i këtyre mesazheve, do të hapte një faqe të re në historinë e memories dhe ekzistencës së njerëzimit në planetin Tokë.

 

Guva e Lepenicës, “e shkruar” me piktograme, përbën një prej kryeveprave jo vetëm të Historisë dhe të Artit Shqiptar, por edhe atij Botëror. Këto piktograme misterioze, edhe pse të ndërthurura në Trashëgiminë Jomateriale shqiptare, mbeten ende të panjohura në Historinë dhe Artin e Popullit Shqiptar. Prej shumë vitesh kam punuar për marrjen në konsideratë të rëndësisë së tyre si dhe në promovimin e kësaj trashëgimie misterioze, e cila na lidh me popujt e tjerë të botës. Një nga piktogramet e kësaj guve e kam përdorur si logo përfaqësuese të punës sime.

Rezervo pjesmarjen tende! 

Emer*

Mbiemer*

Numer Telefoni

Email*