Konferencë Ndërkombëtare Studentore në Universitetin e Prishtinës

Organizatorët e Konferencës Ndërkombëtare Studentore të Universitetit të Prishtinës (University of Prishtina International Student – UPISC)  lansuan zyrtarisht thirrjen për aplikim në edicionin e dytë të kësaj konference. UPISC që do të mbahet në periudhën 02-07 maj 2017 organizohet nga studentët për studentët.
Thirrja për aplikime është e hapur për studentët e të gjitha niveleve dhe fushave të studimeve. Tema bosht e këtij edicioni është “Ndërmarrësia rinore” dhe studentët nga të gjitha vendet e botës janë të mirëseardhur të aplikojnë me punime që ndërlidhen me temën në fjalë.
UPISC është projekt studentor i përkrahur nga Rektorati i Universitetit të Prishtinës dhe partnerë të tjerë. Edicioni i parë i kësaj konference shënoi një suksese të madh duke mbledhur rreth vetës 40 pjesëmarrës nga mbi 20 vende të botës.
Informatat e detajuara për UPISC-në i gjeni në faqen www.upisc.org.