Festivali Letrar për të Rinj “Tirana Gate- 2021” – Edicioni VII

Në kuadër të Ditëve të Librit në Kalanë e Tiranës Instituti i Librit dhe i Promocionit në bashkëpunim me Qendrën Kombëtare të Librit dhe të Leximit organizon aktivitetin njoftues për çeljen e edicionit të shtatë të Festivalit Letrar për të Rinj “Tirana Gate” 2021- Edicioni VII

Festivali Letrar për të rinj ka arritur moshën e tij të pjekurisë pas gjashtë edicioneve të realizuara me qëllimin për t’i shërbyer krijuesve të rinj në gjuhën shqipe. Në këtë edicion ai synon të kthehet në një mjet për të afruar krijuesit e rinj vendas me bashkëmoshatarët e tyre në ballkan për të transmetuar një mesazh të rëndësishëm tolerance, dhe dëshire për të njohur tjetrin përmes tri gjinive të tij kryesore.

Në këtë edicion mund të marrin pjesë krijues shqiptarë dhe krijues nga rajoni, të cilët do të mund të sjellin krijimet e tyre në gjuhën origjinale dhe të shoqëruar me një përkthim në anglisht.

Bëhu pjesë e Festivalit Letrar për të Rinj Tirana Gate 2021, duke shkruar një poezi, ese, prozë me temë “TJETRI”

Afati i fundit për të aplikuar: 17 tetor 2021

Apliko nëpërmjet formularit të shfaqur mëposhtë, ose dërgoje në adresën e emailit [email protected].