Gjatë datave 21–23 shtator, 6 përfaqësues nga Shqipëria, vullnetarë të Qendrës Youth Act, morën pjesë në Portorož Youth Health Forum 2026, një forum ndërkombëtar i dedikuar dialogut, shkëmbimit të eksperiencave dhe forcimit të rolit të të rinjve në çështjet që lidhen me shëndetin dhe mirëqenien.
Përgjatë tri ditëve, programi trajtoi tema aktuale që ndikojnë drejtpërdrejt te të rinjtë, përfshirë shëndetin mendor, sëmundjet jo të transmetueshme, ndikimin e mjedisit në shëndet, inteligjencën artificiale dhe kulturën digjitale, advokimin dhe pjesëmarrjen sociale.
Përmes sesioneve tematike, workshope-ve dhe dialogut me të rinj, ekspertë dhe përfaqësues institucionalë nga vende të ndryshme, vullnetarët tanë patën mundësinë të ndajnë perspektivat e tyre, të zhvillojnë njohuri të reja dhe të kontribuojnë në diskutimet mbi sfidat dhe prioritetet e shëndetit të të rinjve.
Për Qendrën Youth Act, krijimi i mundësive të tilla për vullnetarët tanë është pjesë e angazhimit për të fuqizuar pjesëmarrjen aktive të të rinjve dhe për të sjellë zërin e të rinjve nga Shqipëria në platforma europiane të dialogut dhe bashkëpunimit.
