Karta Rinore Europiane është një mjet ndërkombëtar me 9 milion anëtarë, në +30 vende të Europës dhe ofron zbritje çmimi në mbi 25.000 biznese të ndryshme në Shqipëri dhe Europë. Shtetet të cilat njohin këtë kartë dhe ofrojnë zbritje i gjeni duke klikuar:
Discounts – EYC & Do more. Be more.
Përveç ofertave dhe zbritjeve, ajo luan një rol të rëndësishëm në promovimin e informacionit rinor, gjithëpërfshirjes dhe mobilitetit. Përmes saj, të rinjtë kanë akses në informacion të dedikuar, si dhe mundësi për të marrë pjesë në aktivitete, shkëmbime dhe evente europiane, përfshirë programe ku shpenzimet mbulohen sipas kushteve dhe kritereve të përcaktuara paraprakisht.
Të gjithë të rinjtë nga mosha 14-30 vjeç mund të aplikojnë për Kartën Rinore Europiane dhe të përfitojë nga rrjeti i zbritjeve dhe aktiviteteve në Shqipëri dhe Europë. Ju mund të zgjidhni kartë të printuar ose digjitale, të cilat kanë të njëjtat funksione. Karta juaj do të mund të përdoret vetëm pasi të kryeni pagesën sipas udhëzimeve në e-mail.
Bëhuni pjesë e komunitetit më të madh rinor në Europë dhe përfitoni mundësi çdo ditë.
Një kartë, mijëra mundësi.