Aplikim për pjesëmarrje në Exit Polls’, Zgjedhjet 2021 dhe trajnime të certifikuara

Në kuadër të “Rinia dhe Zgjedhjet 2021”, Kongresi Rinor Kombëtar në bashkëpunim të ngushtë me fondacionet Konrad-Adenauer-Stiftung dhe Friedrich-Ebert-Stiftung e në partneritet me EuroNews Albania, zhvilloi Akademinë e Edukimit Politik, e më së fundmi serinë e emisioneve #RinVote me pjesëmarrjen të rinjve dhe kandidatëve për deputet të dy kaheve të kundërta politike në vend. 

Si rrjedhojë e suksesit që këto veprimtari po tregojnë në forcimin e themeleve të demokracisë në Shqipëri duke sigurar debatim dhe diskutime specifike për tema që ndikojnë jetesën tonë, së bashku kemi vendosur për të zgjeruar këtë bashkëpunim dhe partneritet. 

Për sa i përket këtyre zhvillimeve: Së shpejti do të përzgjidhen 300 të rinjë të cilët do të marrin pjesë në një cikël trajnimesh aftësuese e të certifikuar nga KRK, FES, KAS, EuroNews Albania e nga partnerët e hulumtimit Datacentrum dhe MRB.   

Pas këtij proçesi që do të rrisë kapacitetet e qindra të rinjve, të përzgjedhurit do të marrin pjesë në Exit Polls (sondazhet përfundimtare) duke monitoruar, raportuar e duke parë dhe mbrojtur nga afër mekanizmat dhe ingranazhet që bëjnë të mundur mbarëvajtjen e demokracisë. 

Mjafton të aplikoni brenda dates 10 prill në linkun: https://poll.datacentrum.al/al/survey/51