Samiti Ndërkombëtar i Rinisë për Klimën | Slloveni

Dy anëtarë të Kartës Rinore, Iris Asa dhe Glen Jaho morën pjesë në Samitin Ndërkombëtar të Rinisë për Klimën në Slloveni me fokus ndryshimet e kushteve atmosferike, i organizuar nga Organizata Ndërkombëtare e Shëndetit për të Rinj (YHO).  Fokusi i takimit ishte Objektivi i Zhvillimit të Qëndrueshëm, përqëndruar në Shëndet dhe Mirëqënie, Reduktimi i Pabarazivesi dhe Veprimi i Klimës me qëllim përmbledhjen e temave kryesore të sfidave klimatike për të rinjtë për t’i përfshirë ato në një Deklaratë rinore.

Ky takim u ndoq nga të rinj nga vende të ndryshme evropiane, si Mali i Zi, Sllovenia, Italia, Gjeorgjia, Shqipëria, Franca, Portugalia, Hungaria etj. Të rinjtë evropianë u takuan për të diskutuar temën e ndryshimit të klimës dhe lidhjen e tij me shëndetin e të rinjve, shoqërinë dhe të gjithë planetin, si dhe reduktimin e pabarazive. Gjatë dy ditëve të samitit, kishte shumë panele diskutimi, prezantime dhe seksione interaktive të cilat u mbajtën dhe u drejtuan nga të ftuar nga vende dhe organizata të ndryshme.