Mundësi studimi në SHBA për nivelin Master për të rinjtë Shqiptarë!

Fondacioni Shqiptaro-Amerikan për Zhvillim (AADF) ofron një mundësi të jashtëzakonshme për të rinjtë profesionistë shqiptarë për të ndjekur studimet e tyre në nivel Master në Shtetet e Bashkuara të Amerikës përmes Programit Master dhe Internship (MIP).

Programi MIP, i krijuar në vitin 2016, synon të mbështesë individët me potencial lidershipi, duke iu mundësuar një eksperiencë akademike dhe profesionale në universitetet më të mira amerikane. AADF bashkëpunon me American Councils for International Education për të siguruar një përzgjedhje cilësore të kandidatëve dhe për t’i ndihmuar ata në procesin e aplikimit dhe studimit.

Çfarë ofron Programi MIP?

• Studime të financuara në nivel Master në universitetet më të mira në SHBA
• Mbështetje gjatë gjithë procesit të aplikimit dhe përzgjedhjes
• Monitorim dhe asistencë akademike gjatë studimeve
• Mundësi për përfshirje në internship-e profesionale

Kandidatët e interesuar mund të aplikojnë deri më 31 mars 2025. Për më shumë informacion dhe për të aplikuar, vizitoni: https://mip-aadf.org/master/master/ .