DETAJET E EVENTIT
Datat: 8 , 9 , 10 , 11 , 12 shkurt .Ora 19:00 Datat 16,17 ,18, 19 shkurt dhe 23 ,24 ,25, 26 shkurt.
Shfaqja është një ngjarje për teatrin shqiptarë. Pjesmarrja e ikonës së Teatrit dhe filmit shqiptarë Robert NDRENIKA dhe një kast i mrekullueshëm aktorësh e bën këtë shfaqe të ketë një emocion të papërsëritshëm.
Titulli: Mendohu Xhakomino
Autori: Luixhi Pirandelo
Përktheu: Amik Kasoruho
Regji: Milto Kutali
Interpretojnë: Robert Ndrenika, Amri Hasanlliu, Paola Kodra, Arben Derhemi, Marjana Kondi,
Klodjana Keco, Redjan Mulla, Alert Çeloaliaj, Merita Dabulla
As. regji: Aldi Hysotoçi
Skenografia: Beqo Nanaj
Premiera: 8 shkurt
Ora 19:00
Vepra e njohur e nobelistit Luixhi Pirandelos “Mendohu Xhakomino” vjen për herë të parë në Shqipëri, në sallën “Çehov” datë 8 shkurt, ora 19:00.
“Mendohu Xhakomino” është një vepër e shkruar në 1917, aktuale dhe gjithëpërfshirëse edhe në ditët e sotme, duke pasur ngjashmëri me aktualitetin shqiptare. Eshtë një vepër që flet për humanizmin njerëzor, për të cilin mjedisi shqiptar ka aq shumë nevojë. Pamundësia, paradokset ekzistenciale të individit, rolet e dyfishta, kriza e identitetit, etj, janë tematika që trajtohen në këtë vepër.
Vepra është e ndarë në tre akte dhe ngjarjet zhvillohen përkatësisht në një korridor gjimnazi, pas orës së mësimit. Në shtëpinë e profesor Totit, pas afro 2 vjetësh dhe në familjen Delizi, pas dy vjetësh të tjerë. Personazhet e karakteret e kësaj vepre kanë nota të theksuara humori. “Mund ta shohësh si vepër lirike, pasi Pirandelo i cilëson komedi veprat e tij, nga ndërtimi i disa karaktereve, të cilët shprehin natyrshmërinë e njerëzve të thjeshtë, provokojnë të qeshurën dh kanë një lloj humori të begatë në vepër. Profesor Toti është një njeri shumë fin, i cili, vë në lojë gjithë këtë shoqëri, e cila duket sikur bën për njeriun, por në fakt nuk bën asgjë”, shprehet regjisori Milto Kutali. “Me shume sinqeritet dua të them se respekti dhe kujdesi që është treguar ndaj këtij projekti artistik, ku përben një nga momentet më të rëndësishme dhe të jetës sime.
Në qendër të veprës “Mendohu Xhakomino”, është profesor Toti (Robert Ndrenika), një burrë rreth të 70-ve, i cili nuk ka krijuar familje, është human dhe sakrifikon veten për gjeneratën e re.
Ai bën një martesë fiktive me Liljanën (Paola Kodra), (vajzën e rojës së shkollës (Arben Derhemi)) e cila ka mbetur shtatëzënë me Xhakominon (Amri Hasanlliu), një nga ish-studentët e preferuar të profesor Totit. Këtë akt human të profesor Totit nuk mund ta pranojë dhe ta kuptojë.
Personazhet
Profesor Toti, (Robert Ndrenika) një burrë rreth të 70-ve, porfesor, human
Liljana (Paola Kodra) në të 17-tat, punon pastruese në shkollë
Xhakomino (Amri Hasanlliu), i dashuri i Liljanës
Çinkuemani (Arben Derhemi), Babai i Liljanës
Marjana, (Marjana Kondi) e ëma e Liljanës
Kavalieri (Alert Çeloaliaj), drejtori i shkollës
Rozaria Delizi (Klodjana Keco) motra e Xhakominos rreth të 40-ve
Filomena (Merita Dabulla) Shërbëtore
At Landolino (Redjan Mulla)
Nini (Ezra Vogli) djali i vogël
Teatri i Metropolit Rruga Ded Gjo Luli, Tiranë ueb: tiranakulturore.al tel: +355 4 22 57 528
Qendra Kulturore Tirana ( Teatri i Metropolit) ofron 40 % zbritje për Kartën Rinore Evropiane (nga 500 lekë deri në 300 lekë).
*Në çdo provë gjenerale të premierës mbajtësit e kartës rinore kanë të drejtë të hyjnë falas (çdo të martë dhe të merkurë).
* Mbajtësit e kartës rinore, nëse bëhen mbi 20 vetë, kanë të drejtë të shohin shfaqjet teatrale falas një nga ditët: e premte, e shtunë, e diel.
You must be logged in to post a comment.