Maylinda Bajrami, anëtare e Panelit Rinor të EYCA-së zhvillon një takim me Ministren e Rinisë, Znj. Bora Muzhaqi

Maylinda Bayrami, anëtare e Panelit Rinor të EYCA-së  zhvilloi një takim me Ministren e Rinisë dhe Fëmijëve Znj. Bora Muzhaqi. Në këtë takim ajo foli për eksperiencat e saj të reja në nivel ndërkombëtar, sesi angazhimi i saj me Kartën Rinore i ka mundësuar një zhvillim personal dhe profesional.  Gjatë bisedës u nënvizua gjithashtu dhe ngjarja e përfaqësimit të Shqipërisë në Parlamentin Evropian në muajin tetor të vitit të kaluar.

Gjithashtu u përmendën mënyrat si Karta Rinore Evropiane ofron shumë mundësi për të rinjtë shqiptarë kudo në Europë, duke qenë të barabartë me miqtë e tyre evropian.

Paneli Rinor i EYCA

Maylinda Bajrami falë anëtarësimit në Karta Rinore është zgjedhur si përfaqësuese e Shqipërisë në Panelin Rinor të EYCA-s, midis 10 të rinjve të shteteve të tjera. Paneli Rinor EYCA është një grup të rinjsh të cilët përfaqësojnë bashkëmoshatarët e tyre duke ndihmuar që kartëmbajtësit të kenë një zë më të fortë gjatë hartimit të programeve dhe shërbimeve të Kartës Rinore Evropiane kudo në Europë. Anëtarët e Panelit Rinor janë nga shtete të ndryshme si: Spanja, Belgjika, Greqia, Shqipëria, Hungaria, Portugalia etj dhe do të mbajnë mandatin e tyre për një periudhë 2 vjecare.