Konferenca XL EYCA dhe Asambleja e Përgjithshme | Lecce

Konferenca XL EYCA dhe Asambleja e Përgjithshme u zhvillua nga data 19 deri më 22 qershor 2024, nga Karta Kombëtare e Rinisë në Lecce. Kjo ngjarje vjetore, është një nga mbledhjet më të rëndësishme për Kartën Rinore Evropiane, duke bashkuar anëtarët dhe palët e interesuara nga e gjithë Evropa për të bashkëpunuar, shkëmbyer ide dhe formësuar të ardhmen e kësaj karte. Prezenca dhe mbështetja e partnerëve të nderuar si Këshilli i Evropës, Komisioni Evropian, Parlamenti Evropian dhe organizata të shquara si Eurodesk, Forumi Rinor Evropian dhe ERYICA e ngritën më tej eventin. Kontributet e tyre demonstruan mbështetjen e tyre ndaj misionit të EYCA-s. Veçanërisht, pjesëmarrja aktive e Panelit Rinor të EYCA rezultoi të ishte jashtëzakonisht e vlefshme,veҁanërisht në workshopin e tyre lidhur me kampin rinor rural. Inputet dhe idetë e tyre domethënëse shfaqën praninë e tyre të fuqishme dhe dinamike, duke i kujtuar të gjithëve rëndësinë e fuqizimit të të rinjve evropianë duke u dhënë atyre jo vetëm një zë, por edhe një vend në formësimin e së ardhmes së tyre.

Një moment i rëndësishëm gjatë kësaj konference ishte prezantimi I aplikacionit më të ri të kartës rinore evropiane të quajtur “My EYC App”, i cili do të lanҁohet së shpejti për t’u përdorur nga të gjithë kartëmbajtësit. Për të kulmuar ngjarjen në një notë të lartë, Ceremonia e ndarjes së çmimeve të ekselencës u mbajt në natën finale ku anëtarët e Kartës Rinore në disa shtete u nderuan për arritjet e tyre të jashtëzakonshme ndër to dhe Shqipëria jonë e cila u nderuar për herë të parë me ҁmimin “Knowledge of Young people” për të cilin ne jemi shumë të lumtur.