Qendra Youth Act me mbështetjen e Ministrisë së Turizmit, Kulturës dhe Sportit si dhe Agjencinë Kombëtare të Rinisë (AKR) mirëpritën nga data 8-12 Qershor 2026 në Tiranë Konferencën e Kartës Rinore Europiane, e cila mblodhi rreth 100 përfaqësues nga 30 shtete të Europës. Për disa ditë, Tirana u kthye në një pikë takimi për organizata, institucione dhe ekspertë të rinisë, të bashkuar nga një vizion i përbashkët për krijimin e më shumë mundësive për të rinjtë në Europë.
Konferenca solli së bashku përfaqësues të Këshillit të Europës, Komisionit Europian, ERYICA, Eurodesk, RYCO, si dhe organizatat anëtare të Kartës Rinore Europiane nga gjithë Europa. Përmes diskutimeve, prezantimeve dhe shkëmbimit të praktikave më të mira, pjesëmarrësit ndanë përvoja dhe ide inovative për fuqizimin e të rinjve dhe rritjen e pjesëmarrjes së tyre në shoqëri.
Mbi të gjitha, kjo konferencë shërbeu për të ndërtuar dhe forcuar ura të reja bashkëpunimi ndërmjet organizatave dhe institucioneve europiane, duke krijuar partneritete që do të vazhdojnë edhe pas përfundimit të saj. Këto lidhje dhe angazhime të reja do të kontribuojnë në zhvillimin e iniciativave të përbashkëta dhe në zgjerimin e mundësive për të rinjtë në mbarë Europën.
Falënderojmë të gjithë pjesëmarrësit, partnerët, institucionet dhe vullnetarët që kontribuuan në suksesin e kësaj ngjarjeje të rëndësishme. Së bashku, po ndërtojmë një Europë më të lidhur, më gjithëpërfshirëse dhe me më shumë mundësi për të rinjtë.
