Në kuadër të Programit Erasmus + është hapur thirrja për aplikime për bursa për mobilitete për studentët dhe stafin akademik të Universitetit të Tiranës në Universitetin e Lund, Suedi.
Llojet e mobilitetit përfshijnë:
-Shkëmbimin e studentëve për studime;
-Shkëmbimin e stafit akademik për mësimdhënie;
Nivelet e mobilitetit për studentët:
– Master;
Kohëzgjatja e bursave:
– Master (10 muaj);
– Shkëmbimi i stafit akademik për mësimdhënie (14 ditë);
Fushat e studimit:
-Informatikë Ekonomike;
Aplikantët duhet të kenë përfunduar studimet Bachelor, ku të paktën 60 kredite të jenë përfituar në lëndët që lidhen me Sistemet e Informacionit, duke përfshirë lëndët e mëposhtme:
• Bazat dhe roli i sistemeve të informacionit;
• Analizë sistemi dhe dizajn;
• Të dhëna dhe informacion;
• Bashkëveprimi ndërmjet njeriut dhe kompjuterit;
• Organizim dhe sisteme informacioni;
Për t’u njohur me këtë program studimi të ofruar nga Universiteti i Lund klikoni në adresën: www.lusem.lu.se
Bursat përfshijnë:
-Kompensimin mujor për studentët (850 EUR në muaj);
-Kompensimin ditor për stafin (160 Euro në ditë);
-Kostot e udhëtimit (në varësi të distancës midis universitetit pritës dhe atij të origjinës);
Dokumentat e nevojshme për aplikim për studentët e nivelit Master:
– CV (në gjuhën angleze);
– Foto personale;
– Kopje e Pasaportës;
– Diplomë e nivelit Bachelor;
– Lista e notave për nivelin Bachelor (e përkthyer në anglisht);
– Vërtetim studenti (i përkthyer në anglisht);
– Lista e notave për nivelin Master (e përkthyer në anglisht);
– *Letër Motivimi (në gjuhën angleze);
– **Certifikatë e gjuhës së huaj;
– ***Dokumenti Learning Agreement;
*Letra e Motivimit është e nevojshme të plotësohet në formatin e kërkuar nga Universiteti i Lund, Suedi, të cilin e gjeni në këtë link, duke klikuar në seksionin “Information Systems”: www.lusem.lu.se
**Universiteti i Lund ofron kurset e studimit në gjuhën angleze, ku niveli minimal i kërkuar është B2.
Për t’u njohur me testet e gjuhës angleze të njohura nga Universiteti i Lund referohuni në këtë link: www.universityadmissions.se
***Learning Agreement është një kontratë midis universitetit të origjinës dhe aplikantit dhe shërben për të përcaktuar lëndët që do të zhvilloni në universitetin pritës. Ju duhet të plotësoni vetëm seksionin e parë ‘‘Before Mobility’’. Në tabelën A përcaktohen lëndët dhe kreditet që do të merrni në universitetin pritës ndërsa në tabelën B përcaktohet se cilat prej lëndëve të Tabelës A do të njihen në Universitetin e Tiranës kur ju të keni përfunduar periudhën e shkëmbimit.
KUJDES: Ju duhet të përzgjidhni të kryeni në Universitetin e Lund lëndë të njëjta me ato që do të kryenit në semestrin e parë në fakultetin tuaj, kjo për arsye që lëndët dhe kreditet t’ju njihen kur të ktheheni. Nëse lëndët e përzgjedhura ndryshojnë nga ato që do të zhvillonit në fakultetin tuaj semestrin e parë, atëherë kur të ktheheni ju duhet të zhvilloni lëndët që nuk përshtaten në Universitetin e Tiranës.
Dokumenti ‘‘Learning Agreement’’ tek seksioni ‘‘Commitment’’ firmoset nga aplikanti, nga koordinatori akademik i Fakultetit dhe nga Zv/Rektori i UT-së për Anën Shkencore dhe Marrëdhëniet me Jashtë, Prof. Assoc. Dr. Ervin Demo.
VINI RE!
Dokumentat si lista e notave/vërtetimi i studentit/ duhen bërë upload në versionin origjinal të skanuar si edhe përkthimi zyrtar në gjuhën angleze (në rast se origjinali nuk është lëshuar në gjuhën angleze).
Dokumentat e nevojshme për aplikim për stafin akademik për mësimdhënie:
– CV+ Lista e publikimeve (në gjuhën angleze);
– Foto personale;
– Kopje e pasaportës;
– Diploma e nivelit të fundit të studimeve;
– Letër motivimi (në gjuhën angleze);
– Vërtetim Punësimi (në gjuhën angleze);
– *Certifikata e gjuhës së huaj;
– **Plani i mobilitetit për mësimdhënie;
*Për mobilitetin e stafit akademik për mësimdhënie në Universitetin e Lund, niveli minimal i kërkuar nga aplikantët për gjuhën angleze është B2.
**Plani i Mobilitetit për mësimdhënie është një dokument në të cilin duhet të specifikohet programi i propozuar nga ana juaj që do të kreyni gjatë periudhës së shkëmbimit. Ky dokument firmoset nga aplikanti dhe personi përgjegjës për mobilitetet në Universitetin e Tiranës, i cili është Zv.Rektori për Anën Shkencore dhe Marrëdhëniet me Jashtë, Prof. Assoc. Dr. Ervin Demo.
Për të shkarkuar formatin e Planit të Mobilitetit për mësimdhënie klikoni në adresën: www.unitir.edu.al
Afati për aplikim: 06 Prill 2016
Periudha e mobilitetit: Studentët e përzgjedhur për të ndjekur këtë program mobiliteti do të fillojnë mësimin në semestrin e parë të vitit akademik 2016-2017.
I gjithë procesi i aplikimit kryhet online.
Për të aplikuar klikoni në këtë link: form.jotformeu.com
Suksese!
