Afati i fundit i aplikimit: 15 Prill 2016
Go Green in the City — konkursi më i fundit për studentë për zgjidhje të qëndrueshme energjitike— është rikthyer. Në grupe dyshe, studentë nga e gjithë bota janë të ftuar të marrin pjesë në konkurs dhe të ndajnë zgjidhjet e tyre innovative për sfidat e vërteta të biznesit botëror në menaxhimin e energjisë. Merrni pjesë tani për të mësuar, për tu përfshirë dhe për të sjellë një ndryshim të vërtetë në botë!
12 grupet finalist do të ftohen të udhëtojnë drejt Parisit në Shtator 2016 ku do të paraqesin idetë e tyre përpara një jurie të mirënjohur, duke konkurruar për një udhëtim rreth botës dhe mundësi punësimi në Schneider Electric*.
Përzgjedhja:
Studentë të biznesit dhe inxhinierisë që ndjekin studimet në nivel Bachelor (minimalisht në vit të dytë), Master ose MBA mund të marrin pjesë. Go Green in the City 2016 është i hapur për grupe dyshe me të paktën një pjesëtare femër (shënim: të dy pjesëtarët duhet të plotësojnë kushtet e sipërpërmendura) . Të dy pjesëtarët e grupit duhet të studiojnë në të njëjtin vend për kohëzgjatjen e konkursit. Megjithatë, nuk kërkohet të jenë nga i njëjti universitet apo të studiojnë në të njëjtën degë, në të njëjtin vit. Aftësitë në gjuhën angleze janë të domosdoshme. Grupet nga e gjithë bota janë të mirëpritur të konkurrojnë.
Nuk bëhet asnjë përjashtim për kriteret e përzgjedhjes.
Çmimet:
- Çmimi fitues:
Pjesëtarët e grupit fitues do të fitojnë mundësinë e punës me Schneider Electric dhe gjithashtu do të fitojnë një tur botëror ndërsa vizitojnë zyrat e Schneider Electric në dy shtete të ndryshme. Disa nga të shumtat pika interesante të udhëtimit përfshijnë: komunikimin me lider të biznesit dhe punonjës të Schneider Electric; mësimin nga këta profesionistë dhe përdorimin e profesionalitetit të tyre për të hartuar planin perfekt të karrierës; dhe përvojën mbreslënëse të eksplorimit të qyteteve.
- Finalistët
Finalistët do të marrin një çertifikatë dixhitale për fitimin e fazës gjysmëfinale për rajonin e tyre, si edhe një përkujtesë nga konkursi final Go Green in the City. Të gjithë finalistët ftohen në eventin final në Paris; të gjitha shpenzimet e akomodimit dhe udhëtimit mbulohen nga Schneider Electric.
- Gjysmëfinalistët
Gjysmëfinalistët do të marrin një çertifikatë dixhitalë për arritjet e tyre në këtë sfidë. Gjithashtu do të fitojnë mundësinë të punojnë me një mentor nga Schneider Electric dhe mundësinë e kryerjes së një interviste dixhitale. Të gjithë pjesëmarrësit do të marrin një çertifikatë dixhitale për pjesëmarrjen, të dërguar në adresën e postës elektronike që është përdorur për regjistrimin.
Procedura e hyrjes:
- Krijoni një llogari këtu dhe konfirmoni llogarinë https://tc2016.gogreeninthecity.com/#sign-in
Tashmë jeni gati të merrni përsipër sfidën! Plotësoni profiling tuaj. Do t’iu kërkohet të ngarkoni një CV dhe një foto tuajën (të madhësisë së fotos së pashaportës).
- Krijoni grupin
Gjeni një shok grupi me të cilin do të revolucionarizoni industrinë e menaxhimit të energjisë. Shoku i grupit duhet të plotësojë kriteret e mësipërme të përzgjedhjes. Mund të gjeni dikë për të formuar grupin edhe në platformën e konkursit nëse ende nuk keni një partner! Formoni skuadrën tuaj duke ftuar një partner nga Team page dhe vendosni për emrin e ekipit.
- Paraqisni një ide të bukur për menaxhimin inteligjent të energjisë në qytet
Detyra juaj është të gjeni një ide për menaxhimin eficent të energjisë në mjedisin e qytetit. Ideja duhet të lidhet me një nga sfidat dedikuar qyteteve në rritje dhe dilemës energjitike, dhe duhet të paraqesë zgjidhje për sfidën. Mund ta paraqisni si një përshkrim tekstual (maksimalisht 300 fjalë) ose si një grafik informative. Ju lutem të shikoni këtu për detaje të mëtejshme (http://www.gogreeninthecity.com/challenge/#video ). Punoni për çështjen me shokun e grupit dhe paraqisni zgjidhjen në një nga formatet e përshkruara. Kur të jeni gati, ngarkoni zgjidhjen tuaj në Team page.
