Bashkohu me Jurinë e Rinisë në Punto de Vista 2026

Nëse je i apasionuar pas kinemasë dhe gati për një eksperiencë unike ndërkombëtare, kjo mundësi është për ty!

Për të katërtin vit radhazi, Karta Rinore Evropiane në Navarra ofron 2 vende ekskluzive për mbajtësit e Kartës Rinore Evropiane për t’u bërë pjesë e Jurisë së Rinisë në Festivalin Ndërkombëtar të Filmit Dokumentar Punto de Vista.

Festivali do të zhvillohet në Pamplona nga 20 deri më 25 prill 2026, duke mbledhur regjisorë, profesionistë të industrisë dhe dashamirës të dokumentarit nga e gjithë bota.

Çfarë është Juria e Rinisë?

Juria e Rinisë përbëhet nga rreth 20 të rinj të moshës 18–25 vjeç, të cilët kanë një rol të rëndësishëm gjatë festivalit: ndjekin të gjithë filmat në Përzgjedhjen Zyrtare dhe vendosin fituesin e Çmimit të Rinisë për Filmin më të Mirë, i cili jepet në ceremoninë përmbyllëse.

Si anëtar i jurisë, ti do të:

• ndjekësh të gjithë filmat e Përzgjedhjes Zyrtare
• marrësh pjesë në diskutime për të vendosur filmin fitues
• kesh akses në programin e plotë të festivalit
• takosh profesionistë të industrisë përmes aktiviteteve të organizuara.

Çfarë përfiton si mbajtës i Kartës Rinore Evropiane?
Në kuadër të këtij bashkëpunimi, 2 të rinj nga e gjithë Evropa të cilët janë të pajisur me kartën rinore do të përzgjidhen për t’u bërë pjesë e jurisë.

Pjesëmarrësit e përzgjedhur do të përfitojnë:

• mbështetje financiare deri në 500€ për udhëtim dhe akomodim (me shpenzime të justifikuara)
• akses të plotë në programin e festivalit
• një eksperiencë unike “pas kuintave” në botën e filmit dokumentar

Kush mund të aplikojë?
Për të qenë i pranueshëm, duhet:

• të jesh 18–25 vjeç
• të kesh një Kartë Rinore Evropiane të vlefshme
• të kesh interes të fortë për kinemanë
• të jesh i disponueshëm gjatë festivalit në Pamplona
• të angazhohesh për të ndjekur të gjithë filmat në Përzgjedhjen Zyrtare

Si të aplikosh

Aplikimet janë falas dhe të hapura deri më 27 mars 2026.

Mund të gjesh të gjitha detajet dhe të aplikosh përmes këtij linku.

Pas përfundimit të afatit, ekipi i Punto de Vista do të përzgjedhë pjesëmarrësit dhe do të njoftojë të gjithë aplikantët.

Për çdo pyetje, mund të kontaktoni në [email protected].

Nuk është thjesht pjesëmarrje në një festival filmi, është një mundësi për ta përjetuar nga afër, për t’u lidhur me kreativitetin dhe për ta bërë zërin tënd të dëgjohet duke kontribuar në vlerësimin e një prej çmimeve kryesore.