Konkursi Ndërkombëtar i Filmit të Shkurtër, i organizuar nga Filmoteca de Navarra në bashkëpunim me Kartën Evropiane të Rinisë , rikthehet për edicionin e tij të tretë! Krijuesit e rinj të filmave, të moshës 14–30 vjeç, ftohen të shfaqin krijimtarinë dhe aftësitë e tyre rrëfyese përmes filmave të shkurtër origjinalë, me tematikë të lirë. Me disa çmime në dispozicion, kjo është një mundësi e shkëlqyer për të prezantuar punën e tyre dhe për të promovuar talentet e reja në krijimtarinë audiovizuale.
Afati i fundit për dorëzimin e aplikimeve është 27 Nëntor 2026. Lexoni më poshtë rregulloren e plotë për t’u informuar mbi kriteret e pjesëmarrjes, kërkesat për dorëzimin e filmave, çmimet dhe procedurën e aplikimit.
1. Qëllimi i Konkursit: Ky konkurs synon të nxisë krijimtarinë dhe shprehjen artistike tek të rinjtë përmes mediumit audiovizual, duke promovuar realizimin e filmave të shkurtër origjinalë dhe me cilësi të lartë.
2. Tematika: Tematika e filmave të shkurtër është e lirë. Do të vlerësohen krijimtaria dhe origjinaliteti i idesë së propozuar, si dhe përfshirja e të rinjve në ekipin artistik dhe teknik.
3. Pjesëmarrësit: Konkursi është i hapur për të rinjtë e moshës 14 deri në 30 vjeç, të cilët mund të marrin pjesë individualisht ose në grupe. Nuk ka kufizime lidhur me shtetësinë apo vendbanimin. Kushti i vetëm është që regjisori i filmit të shkurtër të jetë mbajtës i Kartës Evropiane të Rinisë dhe të jetë personi që kryen zyrtarisht regjistrimin.
4. Kohëzgjatja e Filmit të Shkurtër: Kohëzgjatja e filmit të shkurtër duhet të jetë nga 1 deri në 10 minuta, duke përfshirë edhe titrat përfundimtare (kreditet). Filmat e shkurtër që e tejkalojnë këtë kohëzgjatje nuk do të pranohen.
5. Formati i Dorëzimit: Filmat e shkurtër duhet të dorëzohen në format digjital, me rezolucion minimal 1080p dhe në format MP4 ose MOV. Do të pranohen filma të shkurtër në çdo gjuhë, por ata që nuk janë në gjuhën spanjolle duhet të përmbajnë titra në spanjisht.
6. Datat:
- Afati i fundit për regjistrimin dhe dorëzimin e filmave të shkurtër: 27/11/2026
- Ceremonia e ndarjes së çmimeve: 17/12/2026
- Filmat e shkurtër duhet të jenë realizuar gjatë vitit 2026.
7. Procesi i Regjistrimit: Regjistrimi kryhet përmes formularit të disponueshëm në faqen zyrtare të Kartës Rinore të Institutit Rinor së Navarrës. Formulari do të përmbajë gjithashtu edhe lidhjen për ngarkimin e materialeve që do t’i dërgohen Filmotekës së Navarrës.
8. Vlerësimi dhe Përzgjedhja:
Filmat e shkurtër do të vlerësohen nga një grup ekspertësh të kinematografisë, të cilët do t’i shqyrtojnë sipas kritereve të mëposhtme:
- Krijimtaria dhe origjinaliteti
- Cilësia teknike (fotografia, zëri, montazhi etj.)
- Rrëfimi dhe skenari
- Ndikimi emocional
9. Çmimet:
Do të ndahen çmimet e mëposhtme:
- Çmimi i Parë për Filmin më të Mirë të Shkurtër: 600 €
- Çmimi i Dytë për Filmin më të Mirë të Shkurtër: 400 €
- Çmimi për Filmin më të Mirë të Shkurtër nga Navarra*: 350 €
- Çmimi për Interpretimin më të Mirë**: 300 €
- Çmimi për Fotografinë më të Mirë**: 300 €
*Çmimi për “Filmin më të Mirë të Shkurtër nga Navarra” do të jepet vetëm nëse filmi përkatës nuk ka fituar njërin nga dy çmimet kryesore.
**Çmimet për interpretimin më të mirë dhe fotografinë më të mirë do t’u jepen të rinjve deri në moshën 30 vjeç.
10. Të Drejtat e Autorit:
Pjesëmarrësit do të ruajnë të gjitha të drejtat e autorit mbi filmat e tyre të shkurtër. Me regjistrimin në konkurs, pjesëmarrësit i japin Filmotekës së Navarrës të drejtën për t’i shfaqur filmat e shkurtër në kuadër të programacionit të saj (në aktivitete që lidhen me konkursin), si dhe për të ruajtur një kopje në Arkivin e Filmotekës së Navarrës.Instituti i Rinisë së Navarrës do të ketë gjithashtu të drejtën t’i shfaqë filmat në kuadër të aktiviteteve të tij që synojnë promovimin e nismave të kësaj natyre.
11. Pranimi i Rregullores:
Pjesëmarrja në konkurs nënkupton pranimin e të gjitha rregullave dhe kushteve të përcaktuara në këtë rregullore.
12. Dispozitat Përfundimtare:
Komiteti organizator rezervon të drejtën për të zgjidhur çdo situatë që nuk është parashikuar në këtë rregullore. Vendimi i tij do të jetë përfundimtar dhe i paankimueshëm.
Për më shumë informacion ose pyetje, kontaktoni në adresën [email protected] ose vizitoni carnejoven.navarra.es | www.filmotecanavarra.com.
