Thirrje Rajonale e Hapur për Projekte Artistike me Ndikim Shoqëror.

Është hapur thirrja për propozime me titullin “Arti për Pajtimin – Thirrje e Hapur për Projekte me Ndikim Shoqëror”, e dedikuar për organizatat e shoqërisë civile që veprojnë në fushën e artit dhe kulturës në Ballkanin Perëndimor. Afati për dorëzimin e aplikimeve është 2 shtator 2025, ora 23:59 (CET).

Qëllimi i kësaj thirrjeje është të mbështesë projekte artistike që promovojnë pajtimin rajonal, ndërtimin e paqes, dialogun ndërkulturor, bashkëpunimin ndërbrezor dhe ndër-etnik përmes praktikave pjesëmarrëse dhe artistike me përfshirje shoqërore. Thirrja është e hapur për organizatat e shoqërisë civile nga Shqipëria, Bosnje dhe Hercegovina, Mali i Zi, Maqedonia e Veriut dhe Serbia.

Fondi total në dispozicion është 300,000 €, ndërsa çdo projekt individual mund të aplikojë për grante nga 10,000 € deri në 25,000 €.

Kjo thirrje është pjesë e programit Mbështetje Financiare për Palë të Treta (FSTP), i zbatuar nga Agjencia për Demokraci Lokale – LDA Subotica, në bashkëpunim me Fondacionin Novi Sad – Kryeqyteti Evropian i Kulturës, koordinatori i projektit District of Reconciliation, bashkëfinancuar nga Bashkimi Evropian përmes IPA III – Programi për Shoqërinë Civile dhe Median në Ballkanin Perëndimor.

Projekti zbatohet nga një rrjet organizatash të shoqërisë civile që veprojnë si partnerë zbatues, përfshirë:

• Fondacioni Novi Sad – Kryeqyteti Evropian i Kulturës (Aplikanti kryesor, Serbi)

• Agjencia për Demokraci Lokale Subotica (Serbi)

• Lëvizja Evropiane në Serbi (Serbi)

• Forumi i Qytetarëve Tuzla (Bosnje dhe Hercegovinë)

• Youth Act Albania (Shqipëri)

• Qendra për Dialog Ndërkulturor – CID (Maqedonia e Veriut)

• Mladiinfo Montenegro (Mali i Zi)

• OPENS – Kryeqyteti Rinor i Evropës (Serbi)

Dokumentacioni i plotë i thirrjes, kriteret e aplikimit dhe të gjitha informacionet përkatëse janë të disponueshme në faqen zyrtare të LDA Subotica:
 www.lda-subotica.org

Sesione informuese për organizatat e interesuara do të zhvillohen gjatë muajve korrik dhe gusht 2025, sipas kalendarit të përcaktuar në Udhëzuesin për Aplikantët.

 Për pyetje ose më shumë informacion: [email protected]

Dokumentat

Eligibility_of_Expenditures

GUIDELINES_for_the_Applicants

Annex_1_Application_Form

Annex_2_Budget

Annex_3_Declaration_by_the_ApplicantAnnex_4_Partnership_Statement

Annex_4_Partnership_Statement.docx

Annex_5_Declaration_of_Honour