Karta Rinore Evropiane Do More. Be More.
Kamera, Drita, Aksion!
Jeni të mbushur me energji krijuese? Të apasionuar pas krijimit të videove dhe të natyrshëm para kamerës? Nëse po, kjo është mundësia ideale për ju!
Po kërkojmë 8 vullnetarë për t’u bërë pjesë e programit tonë të **Krijuesve të Rinj – një nismë që synon t’u japë zë të rinjve dhe të trajtojë temat që ata i konsiderojnë të rëndësishme.
Kush mund të aplikojë?
Në mënyrë ideale, do të dëshironim që midis 8 vullnetarëve të përfshiheshin:
✅ Një pjesëmarrës në Programin e Korpusit të Solidaritetit Evropian
✅ Një pjesëmarrës në DiscoverEU
✅ Një anëtar i Panelit Rinor EYCA
Të gjithë vullnetarët duhet të kenë një Kartë Rinore Evropiane të vlefshme.
Çfarë është programi i Krijuesve të Rinj?
Besojmë se zërat më të mirë për të folur mbi çështjet që prekin të rinjtë janë vetë të rinjtë. Prandaj, po krijojmë një ekip të talentuar që do të prodhojë përmbajtje autentike mbi temat që kanë rëndësi për ta dhe komunitetin e tyre.
Si do të funksionojë programi?
✅ Trajnim në Paris, Francë (25-29 prill 2025, duke përfshirë ditët e udhëtimit).
Do të mësoni teknikat më të mira për të ndërtuar histori tërheqëse, për të strukturuar mesazhet në mënyrë efektive dhe për t’i përshtatur ato për audiencën tuaj. Gjatë trajnimit, do të përcaktojmë së bashku temat kryesore për videot tuaja.
✅ Prodhimi i videove
Pas trajnimit, ju do të krijoni një seri videosh mbi temat që lidhen me të rinjtë.
– 5 video të shkurtra për mediat sociale.
– 1 video me format të gjatë, si p.sh. një vlog “Një ditë në jetën e…”.
Ju do të keni liri të plotë në formatin e tregimit dhe në zgjedhjen e bashkëpunëtorëve. EYCA do t’ju mbështesë gjatë gjithë procesit.
✅ Pjesëmarrje në ngjarje të EYCA-s
Gjatë vitit të programit, do të keni mundësinë të merrni pjesë në evente të EYCA-s dhe të ndërveproni me të rinj të tjerë të angazhuar nga e gjithë Evropa.
Kriteret e aplikimit
Për t’u bërë pjesë e programit, ju duhet:
✔ Të jeni midis moshës 18-25 vjeç dhe të jetoni në një vend që ka anëtarësi në EYCA.
✔ Të keni pasion për çështjet rinore dhe të dëshironi të rrisni ndërgjegjësimin mbi to.
✔ Të keni përvojë (edhe amatore) në krijimin e videove dhe një prani aktive në mediat sociale.
✔ Të ndiheni të sigurt përpara kamerës dhe në ndërveprimin me komunitetin tuaj.
✔ Të jeni të disponueshëm për trajnimin në Paris (25-29 prill 2025).
✔ Të angazhoheni për të gjithë kohëzgjatjen e programit (prill 2025 – prill 2026).
✔ Të mos përfaqësoni asnjë parti politike ,pasi EYCA është një organizatë neutralë politikisht.
✔ Të keni njohuri të mira të gjuhës angleze, pasi programi dhe videot do të jenë në këtë gjuhë.
✔ Të keni një Kartë Rinore Evropiane të vlefshme.
Nëse jeni pjesë e Korpusit të Solidaritetit Evropian apo *DiscoverEU, ose jeni **anëtar i Panelit Rinor EYCA*, ju lutemi ta përmendni në formularin e aplikimit!
Si të aplikoni?
Hapi 1: Krijimi i videos
Regjistroni një video në anglisht (maksimumi 60 sekonda, p.sh. një reel në Instagram) mbi këtë skenar:
Po organizoni një aktivitet lokal për pastrimin e një zone nga mbeturinat dhe dëshironi të angazhoni komunitetin për të marrë pjesë. Qëllimi nuk është vetëm pastrimi, por edhe ndërgjegjësimi për të mos ndotur mjedisin. Krijoni një video kreative për të tërhequr njerëzit dhe për të rritur ndërgjegjësimin mbi këtë çështje.
(Ju nuk keni nevojë ta organizoni këtë ngjarje në realitet; është thjesht një ushtrim kreativ për aplikimin. Por nëse dëshironi ta realizoni, është një ide e shkëlqyer!)
Hapi 2: Ngarkimi i videos
Ngarkoni videon tuaj në YouTube si një Shorts.
Hapi 3: Plotësimi i formularit
Plotësoni formularin e aplikimit dhe mos harroni të përfshini linkun e videos suaj në YouTube.
⏳ Afati i fundit për aplikim: 9 mars 2025, ora 23:59 CET.
Ne mund t’ju kontaktojmë për një intervistë të shkurtër për të na ndihmuar të marrim vendimin përfundimtar.
Jeni gati për këtë sfidë krijuese?
Aplikoni tani dhe bëhuni pjesë e Young Creators – një komunitet i ri i zërave të rinj në Evropë!
You must be logged in to post a comment.