Home / Njoftime dhe Aktivitete / VLERËSO RININË

VLERËSO RININË

Rrjeti Kombëtar për të Rinjtë në Shqipëri (ANYN) në bashkëpunim me Koalicionin për Arsimin në Shqipëri (ACE) dhe Qendrën për të Drejtat e fëmijëve (CRCA) Shqipëri, hapin sot fazën e aplikimeve për Nominime për Vlerësimin Kombëtar “Të Rinjtë e Vitit 2018 në Shqipëri”.

Nisma “Të Rinjtë e Vitit”, e cila iniciohet për të katërtin vit rradhazi në kuadër të Ditës Kombëtare të Rinisë (8 Dhjetor),  synon të identifikojë dhe vlerësojë publikisht të rinj e të reja të moshës 15-30 vjeç nga e gjithë Shqipëria, që japin kontribut dhe sjellin ndryshime në jetën e të rinjve dhe grupeve të tjera shoqërore. Gjatë vitit 2017, për shkaqe objektive, Vlerësimi “Të Rinjtë e Vitit” nuk u dha dhe për këtë qëllim, në vitin 2018, organizatorët e riformatuan të gjithë konceptin e Vlerësimit, duke e bazuar atë në formatin e suksesshëm të Vlerësimit Kombëtar “Mësuesi i Vitit”.

Aplikimi do të bëhet i gjithi online dhe ka disa seksione. Çdokush që aplikon duhet të hap një llogari të tij/saj dhe më pas të hedh të gjitha të dhënat që kërkohen. Do të ketë mundësi që ta ruani aplikimin deri sa ai të jetë gati për t’u dërgura kur të jetë i plotë. Aplikimet jo të plota nuk do të mund të dërgohen dot. Për çdo pyetje apo problem që mund të ndeshni, ju lutem shkruani një e-mail për znj. Ervjola Osmanaj, Presidente e ANYN në adresën e emailit: [email protected]

Aplikimi duhet plotësohet  / dorëzohet para datës 20 Nëntor 2018! Çdo aplikim i ardhur pas kësaj date nuk do të merret parasysh! Ne rekomandojmë dërgimin e tij sa më herët në kohë.