Home / Njoftime dhe Evente / Karta Rinore Evropiane në gjimnazin “28 Nentori”, Shkodër

Karta Rinore Evropiane në gjimnazin “28 Nentori”, Shkodër

Qëndra “Youth Act Albania” në kuadër të projektit “Shkolla Qëndër Komunitare” dhe Ditës së Rinisë, dhuroi 400 “Karta Rinore Evropiane” për nxënësit e Shkollës së Mesme “28 Nëntori” në Shkodër. Stafi i qëndrës “Youth Act” kishte kënaqësinë të shpërndante kartat tek 400 nxënësit me të mirë por edhe tek ata me mundësi të pakta financiare, duke i krijuar mundësinë atyre të përfitojnë zbritje çmimesh, avantazhe dhe oferta në Shqipëri dhe në 36 vende evropiane.
Gjithashtu, qendra Youth Act prezantoi tek nxënësit edhe zbritjet e çmimeve dhe ofertat që ata do të përfitojnë në mbi 40 biznese edhe në qytetin e Shkodrës, nga bizneset që aktualisht kanë mbështetur projektin për fuqizimin e rinisë “Karta Rinore Evropiane”. Nxënësit u informuan per avantazhet e tjera që ofron karta, si edhe për mundësitë e aktivizimit dhe pjesëmarrjes së tyre në projekte dhe konkurse rinore brënda dhe jashtë vendit.


Projektin “Karta Rinore Evropiane” e kanë përkrahur një pjesë e mirë e bizneseve të Shkodrës duke ofruar zbritje çmimesh për nxënësit dhe rininë shkodrane. Vullnetarët e organizates “Youth Act” në këtë qytet zhvillojnë takime të shpeshta me biznese te kategorive te ndryshme, dhe tanimë lista e bizneseve është duke u zgjeruar edhe më shumë.


Me këtë projekt synojmë të ofrojmë më shumë mundësi kursimi, mbështetje dhe lehtësira për të rinjtë në Shqipëri.