Thirrje për të rinj pjesëmarrës: “Akademia mbi reformën fiskale”

Në kuadër të iniciativës “U4Politics 4.0_Politic’s never been that cool!”, Kongresi Rinor Kombëtar në bashkëpunim të ngushtë me Fondacionin Gjerman Hanns Seidel, po hap thirrjen për të zgjedhur 25 të rinj aktivë, të cilët do të ndjekin online, nëpërmjet platformës Zoom, Akademinë e Reformës Fiskale.

Nëse je një i/e ri/re energjik/e, i/e motivuar dhe interesuar për reformën fiskale, zhvillimet dhe sfidat aktuale dhe për të fituar njohuri të vlefshme dhe për të thelluar aftësitë tuaja mbi këtë çështje, atëherë kjo është platforma e duhur për ju.

Për të marrë pjesë dhe për t’u bashkuar me këtë mundësi, duhet të jeni:
– Një i/e ri/re midis moshës 18 dhe 29 vjeç;
– Ndjek studimet ose është diplomuar në degët; Ekonomi, Administrim Biznesi, Financë, Shkenca Sociale
– I/E apasionuar ose i/e interesuar mbi politikat fiskale

Nëse PO atëherë TANI është momenti për të aplikuar!

Ju lutemi plotësoni formularin e mëposhtëm dhe dërgoni CV-në tuaj, një letër motivimi dhe një video ku prezantoni veten dhe motivin e aplikimit duke përfshirë të dhëna mbi edukimin, punësimin dhe eksperiencat në aktivizëm në 1-3 minuta në [email protected].

Të përzgjedhurit e Akademisë do të kenë mundësinë të ndjekin një cikël akademie të certifikuar nga lektorët më të mirë të fushës, dhe do të bëhen pjesë e platformës dixhitale U4Politics. Ju do të merrni pjesë në hartimin e rezolutës së të rinjve mbi reformën fiskale e do të jeni target në objekt të gjithë programit vjetor.

Shpjegim: Thirrja do të jetë e hapur për 10 ditë, dhe mënjëherë pas mbledhjes së jurisë dhe vlerësimit, do t’ju komunikohet rezultati.

Akademia e Reformës Fiskale do të mbahet gjatë datave 09-10-11-12 Shtator dhe pjesëmarrja e të përzgjedhurve është e detyrueshme.

Trajnim: Reforma Fiskale
Data të rëndësisshme:
– 3 Shtator në mesnatë -> mbyllja e aplikimit
– 09-10-11-12 Shtator -> datat e Akademisë së Reformës Fiskale

APLIKO KETU