Home / Thirrje e hapur për të gjithë të rinjtë nga mosha 18 deri në 34 vjec.

Thirrje e hapur për të gjithë të rinjtë nga mosha 18 deri në 34 vjec.

big_bienale_mesdheu

 

Rrjeti BJCEM dhe Ministria e Kulturës shpallin hapjen e thirrjes së Bienales së 18-të së Mesdheut për Artistët e Rinj, një event internacional dhe multidisiplinar, që do të zhvillohet në Tiranë dhe Durrës, nga 4 deri më 9 maj 2017. Ekspozitat do të jenë të hapura për publikun deri më 28 maj 2017. Bienalja do të sjellë së bashku në Shqipëri rreth 230 artistë nga vendet Euro-Mesdhetare.

Thirrja është e hapur për të gjithë krijuesit e artit pamor, filmit, shkrimtarë, performues, muzikantë dhe dizajnues nga mosha 18 deri në 34 (lindur nga 1 Janari 1982). Nuk ka tarifa për aplikimin.

Drejtori artistik i Bienales është Driant Zeneli, i cili ka zhvilluar temën kryesore duke u nisur nga koncepti i ‘’shtëpisë’’ dhe bazuar në katër elementë:

•             historia, duke synuar memorizimin e historive personale, qofshin këto të ngulitura në kujtesë ose të harruara gjatë kohës.

•             Konflikti, si gjendje njerëzore ndaj hapësirës fizike ku ne bashkëjetojmë.

•             Ëndrra si projektim i shtëpisë, si e drejta themelore e njeriut për të qenë i lirë të zgjedhë dhe të dëshirojë shtëpinë e tij fizike apo imagjinare.

•             Dështimi, elementi që qëndron mes përpjekjeve dhe pamundësisë duke u tjetërsuar gjatë rrugës në kërkim të shtëpisë së ëndrrave.

Afati për aplikim është 15 janar 2017 (Vetëm për Turqinë është 30 Dhjetor 2016).

Për të shkuar tek faqja zyrtare ku mund të aplikoni, klikoni si më poshtë:

http://www.bjcem.org