TET, programi më i madh në Shqipëri për sipërmarrjen te gjimnazistët

Sipërmarrësit e së Nesërmes:

TET, programi më i madh në Shqipëri për sipërmarrjen te gjimnazistët, po vjen në Tiranë!

Çfarë është TET?

TET (Tomorrow’s Entrepreneurs Tirana) është një program 23 javor për të përfshirë gjimnazistët në të mësuarit praktik duke vizituar biznese vendase në Tiranë. TET financohet nga kontributi i investuesve lokalë dhe u ofron nxënësve mundësinë e të pasurit mentorë personalitete të biznesit. Çdo nxënësi i jepet mundësia të fillojë një biznes të vërtetë me qëllimin për t’i ndihmuar që të përdorin të gjitha burimet për të pasur sukses në Tiranë.

Si funksionon TET?

Tre ditë në javë në orën 17:00 nxënësit takohen për 90 minuta në biznese në Tiranë. Gjatë këtyre vizitave ata përfshihen në diskutime me sipërmarrës dhe dëgjojnë folësit e ftuar. Përgjatë kursit kohor të TET secili nxënës zhvillon dy plane biznesi (një për biznesin në grup dhe një për atë personal) që u prezantohen bankierve dhe investuesve. Në përfundim të TET nxënësit paraqesin bizneset e tyre personale në Panairin Final nga Albania’s Business Generation.

Procesi i Pranimit

Aplikimi ështe i përbërë nga dy ese të shkruara nga nxënësi, një letër reference nga mësuesi kujdestar (opsionale) dhe një intervistë. Mesatrja e notave nuk përfshihet në aplikim. Në procesin e përzgjedhjes së nxënësve dy faktorë të rëndësishëm janë nxitja për sipërmarrje dhe përkushtimi që do sillnin dhe suksesin e TET.

Periudha e Aplikimit: 15 Gusht- 30 Shtator

Bursat dhe pagesa

Mundësia për të paguar nuk është faktor pranimi në TET dhe nxënësve ju plotësohet e gjithë nevoja financiare. Vetëm pas pranimit, nxënësve ju kërkohet të paguajnë ose ju jepen bursa. Pagesa e plotë për TET është shifra simbolike e 12’000 Lekë (500 Lekë për javë, për 24 javë). Albania’s Business Generation është tërësisht e përkushtuar për të ulur ose eleminuar pagesën për këdo që e ka të nevojshme.

Apliko për TET