Të ardhmen e kemi në dorë vetë, apo të tjerët? | Nga Anita Leka

Personalisht kur mendoj për të ardhmen marr frymë thellë dhe nuk arrij në asnjë konkluzion, çdo gjë e së ardhmes më shfaqet e paqartë. Frika, ankthi dhe dëshira për të arritur diçka më bën një lëmsh në grykë, i cili më pengon në frymarrje.

E gjithë e ardhmja mbase është në dorën tonë. Mund t’a krahasojmë me shkrimin në një fletë të bardhë, me anë të një pene. Me të cilën duhet të punojmë me kujdes që në fillim, pasi një pakujdesi e vogël mund të njollosë bardhësinë e fletës.  Nëse ti e njollos, e ndot bardhësinë e saj, por nëse ti kupton gabimin dhe vazhdon të shkruash me bukur duke i kushtuar vëmendje përmbajtjes së saj, njolla do të menjanohet… Lexuesi i kësaj letre do marrë kënaqësi nga përmbajtja e saj aq sa njolla do figurohet tek ai thjesht si një detaj dhe jo gabim. Prandaj e kemi ne në dorë në një mënyrë se sa përpiqemi, lodhemi dhe djersisim për të ardhmen tonë.

Fatkeqësisht jo gjithmonë është e varur nga ne. Unë sot bashkë me moshatarët e mi jemi tërsisht të varur nga prindërit. Kjo ndoshta padrejtësi e jetës pasi ne nuk mund të zgjedhim mënyrën e jetesës apo vetë prindërit. Kjo të pengon sadopak… Por… pavarsisht vogëlsirave që ndikojnë në të ardhmen tonë, jam e mendimit që e ardhmja është vetëm në dorën tonë. Ajo është pasqyrimi i përpjekjes sonë.

Kështu që ne të gjithë të qetësohemi dhe të mundohemi që të japim më të mirën tonë në mënyrën që e ardhmja të na ofrojë më të mirën e saj. Kurrë nuk është vonë që ne të ndryshojmë për të përmirësuar jetën tonë …

                              Punoi: Anita Leka

                Gjimnazi “Arif Halil Sulaj” Mamurras