Takim me perfaqesues të PolarisGroup të Maqedonisë

Perfaqesues te Youth Act Albania zhvillojne nje takim me perfaqesues te PolarisGroup te Maqedonise

Në datën 15 mars, Ina Koxha dhe Enkelejda Hamzaj, përfaqësuese të “Youth Act” zhvilluan në Shkup një takim të rëndësishëm për sa i përket bashkëpunimit rinor rajonal, me pjesëtarë të “Polaris Group” të Maqedonisë.
Polaris, ashtu si YouthAct në Shqipëri; është organizata që administron Kartën Rinore Evropiane në Maqedoni.
Takimi u fokusua në mundësitë e bashkëpunimit mes organizatave tona në kuadër të mobilitetit rinor si edhe funksionimit sa më të mirë të kartave rinore në vendet reciproke.
Gjatë bisedës anëtarët e Youth Act dhe anëtari i Bordit të Polaris, Aleksander Manojlovski, u angazhuan të vazhdojnë diskutimet e radhës mes përfaqësuesve të dyja organizatave në Tiranë.

Perfaqesuesit e Polaris Group, shprehen vullnetin e tyre për të ndihmuar Qendren Youth Act, në hapat e para të implementimit të Kartës Rinore, kontribut që do të përkthehet qoftë në asistencën me dokumentacione ashtu edhe në përfshirjen në projekte të përbashkëta rajonale.

Polaris Group është një shoqatë joqeveritare që fokusohet në mënyrë specifike në mbështetjen e çështjeve rinore dhe të rinjve në Maqedoni.
Administrimi i Kartës Evropiane për të rinjtë është një nga përpjekjet kryesore të organizatës duke nxitur dhe promovuar nëpërmjet saj edhe të gjitha aktivitetet dhe vlerat që lidhen me të. Polaris nisi punën në nëntor 2013 dhe është duke shtuar në mënyrë të vazhdueshme të rinjtë mbajtës të kësaj karte.