Home / Sugjerimet e verës | Botimet Dudaj

Sugjerimet e verës | Botimet Dudaj

Vera është koha ideale për të lexuar. Mund të përzgjidhni ata libra që stina e ngjeshur e dimrit nuk iu la kohë dhe të zhyteni në një botë krejt tjetër.

Ja disa tituj nga Shtëpia Botuese “Dudaj” të cilat anëtarët e Kartës Rinore Evropiane i përfitojnë me 20% zbritje.

  1. “Becoming” nga Michelle Obama. Të frymëzohesh nga ish-Zonja e Parë e SHBA-së, të mësosh të njohësh veten dhe botën përreth, të njohësh shpirtin e veçantë të një gruaje revolucionare.


2. Për ata që duan të ndihen të motivuar, trilogjia më e famshme e shkruar nga Rhonda Byrne – “Sekreti”, “Fuqia”, “Magjia”. Tashmë sekreti është në dorën tuaj, mjafton ta përvetësosh dhe mund ta përdorësh në çdo aspekt të jetës: me paratë, me marrëdhëniet me njerëzit, lumturinë, dashurinë… 


3. “Loja e Riperit” nga Isabel Allende. Një roman i kohëve moderne ndërthurur bukur me rrënjet latino-amerikane dhe historitë e mrekullueshme të kësaj shkrimtareje. E vetme në llojin e saj. Merre me vete në plazh.


4. “Gushëkuqi” dhe “Hakmarrja” nga Jo Nesbo, për të vijuar shumë shpejt me botimin e ri “Ylli i djallit”. Autori që ka shitur mbi 30 milionë kopje në mbarë botën. Siç komenton dhe ABC Nyheter: “Nuk është thjesht crime novel më e mira e Norvegjisë. Është më e mira në botë”.

5. “E vërteta mbi çështjen Herri Kjubert” dhe “Libri i Baltimorëve” nga Joël Dicker. Nëse je në kërkim të ngjarjeve misterioze, personazheve intrigues, librave të verdhë, zgjidh autorin Joël Dicker. 

6. “Përtej kufijve” nga Fabio Volo. Ndjenjat shpalosen në të gjitha nuancat dhe pengesat e tyre më të vogla, me thjeshtësinë dhe saktësinë që e bëjnë Fabio Volo-n një autor unik dhe shumë të dashur jo vetëm për lexuesit italianë, por edhe më gjerë.


7. “Shtyllat e tokës” nga Ken Follet. E pamatshme dhe e shkëlqyer… kjo rrëfenjë mamuthore duket se prek të gjitha emocionet njerëzore – dashurinë dhe urrejtjen, besnikërinë dhe tradhtinë, shpresën dhe dëshpërimin. Pa diskutim, romani më i bukur i këtij autori, me të cilin ai rrezikon gjithçka dhe del fitues.


8. “Vreshti Anxhelikës” nga Sveva Casati Modignani. Vera dhe gatimi i mirë – dy pasione me të cilat populli italian njihet prej kohësh në mbarë botën – ashtu si dhe jetët e dy personazheve, gërshetohen harmonishëm në rrëfim.


9. “Ashtu si dashuritë” nga Javier Marias. “Në parim njeriu nuk e do vdekjen e atyre që i ka aq pranë, saqë pothuajse përbëjnë jetën e tij, po ndonjëherë e kapim veten gafil duke hamendësuar se çfarë do të ndodhte po të zhdukej ndonjëri syresh. Në disa raste, ky hamendeshim vjen nga frika apo nga tmerri, nga dashuria e tepërt që kemi prej tyre dhe nga paniku i humbjes së tyre”, shkruan autori Marias.

10. “Lartësitë e stuhishme” nga Emily Bronte, tashmë ka zënë vend në listën e klasikëve. Një histori dashurie dhe urrejtjeje, një rrëfim i së mirës dhe i së keqes, i vendosur në shekullin XIX, do ta sugjeronim për ta lexuar në çdo stinë dhe nga çdo lexues.