Home / Rubrikë / Zëri i të rinjve / Shqipëria ime | Nga Anxhela Nelaj

Shqipëria ime | Nga Anxhela Nelaj

Nuk është e drejtë të flasësh për një vend si Shqipëria duke u bazuar në gjërat që kanë ndodhur së fundmi. Nuk mund t’a gjykosh një histori të lavdishme, të shkruar ndër vite duke lexuar vetëm një kapitull.

Të flasësh për Shqipërinë është më shumë sesa të tregosh thjesht një histori, është diçka sublime dhe shumë e magjishme. Unë po shpreh atë që mendoj, atë që rrjedh në venat e mia, atë që ndien zemra dhe që me vështirësi po e shkruan dora në këtë fletë të bardhë si shpirti i popullit tim, i vendit tim.

Të këtij vendi që provoi vuajtje dhe mizori nga më të ndryshme, të një populli që u pushtua por nuk u nenshtrua, u vranë por nuk u shuan kurrë. U përpoqën të copëtonin këtë vend, por pa e kuptuar prania e tyre na bashkoi me shumë se kurrë.

Shqipëria ka ekzistuar gjithmonë, u rezistoi luftërave, nuk u copëtua, nuk e ndanë dot. Shqipëria lindi nga Zoti. Atë nuk e shkatërroi dot as tërmeti i 26 Nentorit, mbase shpëtoi nga rastësia, ndonëse na kushtoi jetë të pafajshme njerëzish. Shqipërinë dhe popullin e saj nuk do të mundet ta asgjesojë asnjë virus COVID apo ku ta di unë. Vendin tonë nuk e mbosht dot asgjë. Ajo nuk mund të vdesë nga askush, as nga politikanët!

 

Punoi: Anxhela Nelaj 

Mamurras