Home / Njoftime dhe Evente / Risia në aplikacione – Spontan

Risia në aplikacione – Spontan

14633510_174297026308495_2585480958714993138_o
Përshkrimi shkurt:
Ditët e sotme, po mbytemi nga informacioni dhe njëkohësisht po vdesim nga dija… Spontan frymon të kundërtën. Thjesht shkarkon app, zgjedh interesat (5 minimumi) dhe e mban në telefon. Pjesa tjetër na takon ne.
Misioni ynë:
Shtyrja e limiteve të dijes dhe skepticizmit në fushat ku është ngritur njerëzimi.
Si funksionon?
Ne besojmë se gjëra të mëdha ndodhin rastësisht. Ndaj dhe filozofia jonë bazohet tek momenti. Njëlloj si vetë emri, çdo gjë vjen në mënyrë spontane. Kur vjen një njoftim, përdoruesi ka dy zgjedhje: ose ta hapë spontan-in ose ta fshijë(siç fshihet çdo njoftim). Nëse e fshin, nuk e akseson dot më kurrë atë. Por nëse e hap, do të mund të shohë që përmbajtja e tij nuk është informacion që gjendet lehtë nëpër internet dhe as lajm(si shumë portale/app bezdisëse), por DIJE, e filtruar dhe e grumbulluar për përdoruesit, bazuar në interesat që ka zgjedhur. Ne dërgojmë të paktën 1 të tillë në ditë, duke ruajtur eksluzivitetin për përdoruesit tanë.
Risia dhe origjinaliteti:
Ndryshe nga aplikacionet apo startup-et e tjera, të cilët kërkojnë që përdoruesit të shpenzojnë sa më shumë kohë brenda app-ve të tyre, Spontan bën të kundërtën. Thjesht e shkarkon dhe e mban në telefon. Në momente të papërcaktuara të ditës, ne trokasim tek ju duke shpërndarë vlerat tona.
Spontan nuk është media. Ne nuk shpërndajmë lajme dhe asgjë tjetër veçse momente, “spontane”, pasi vërtet besojmë se gjëra të mëdha ndodhin rastësisht.
Pritini!
Links për shkarkim:
Përdorues iPhone mund ta download këtu
Sistem Android mund ta download këtu