Home / Rubrikë / “Rinia thesari i pazbuluar” Nga Eriola Hysa

“Rinia thesari i pazbuluar” Nga Eriola Hysa

Të gjithë thonë:- Rinia është e ardhmja e një kombi, por kjo e jona është e pazbuluar.
Arstistë e politikan ngrihen në mbështetje të rinisë vetëm në ditë të caktuara, ndërsa në ditët e tjera e lënë në skutat e harresës dhe pastaj thonë se rinia nuk është aktive dhe kohën e lirë e shkojnë dëm. Shumë pak ambiente organizata ose grupe të ndryshme janë në dispozicion të rinisë dhe këto me kapacitet të limituar. Ne kërkojmë thjesht mbështetje për të bërë veprimtari, aktivitete e gjëra të tjera në të mirë të gjithkujt. Mos vallë po kërkojmë shumë? Edhe për sa kohë do të mbetemi thesar i pazbuluar? Në vend që të investojnë për rininë investojnë për protesta për t’i zënë karrigen njëri-tjetrit. Dita Ndërkombetare e Rinisë po afron dhe jam e sigurt se pavarsisht situatës ku ndodhemi të gjithë do të ngrihen në mbeshtetje të rinisë ndërsa në ditët në vazhdim na lënë mënjanë. Na quajnë të papërgjegjshëm, të llastuar nga teknologjia dhe të përkedhelur nga koha që jetojmë, të atillë që nëse do kishim jetuar përpara 50 viteve nuk do kishim mbijetuar dot. Sa e vertëtë është kjo? Jo të gjithë njerezit janë njësoj, kështu që ka edhe nga ata të rinj që s’duan të angazhohen, por jam e sigurt se pasi të shihnin të mirat dhe eksperiencat që do të fitonin në te qenit aktiv jam e sigurt se do të na bashkoheshin. Rinia është plot ide dhe ne jemi të fortë gjithashtu. Ne mund t’ia dalim mbanë me sfidat e jetës. Edhe sikur të kishim jetuar përpara 50 viteve do t’ia kishim dalë mbanë sikur të kishim mbështetjen që sot po e kërkojmë, bota do të ishte një vend më i mirë.
“YOUTH FOR CHANGE!” “RINIA PER NDRYSHIM!” Ky është mesazhi që dua të përcjell sot të gjithëve. Mbeshtesni rininë sot që nesër të kemi një të ardhme më të mirë!

Nga Eriola Hysa