Home / Njoftime dhe Evente / Qendra Youth Act, gjithmonë e më pranë të rinjve

Qendra Youth Act, gjithmonë e më pranë të rinjve

Synimi Qendres Youth Act  është të fuqizojë rininë në marrjen e një roli aktiv për jetën e tyre, familjen, shoqerinë, arsimin, ekonominë, mjedisin dhe zhvillimin politik. Vizioni i saj është fuqizimi i rinisë si promotori i zhvillimit të vendit dhe filozofia është të mundësojë një qendër në mbështetje të individëve, organizatave dhe iniciativave që kanë në fokus të rinjtë shqipëtar. Qendra udhëhiqet nga idea se të rinjtë janë e ardhmja e një vendi dhe duhet t’i jepet sa më shumë mundësi për të arritur suksesin në jetën e tyre. Për këtë arsye, Youth Act gjatë ditëve të vështira të karantinës të krijuara nga Corona virus,  ishte më pranë të rinjve shqiptarë duke i mundësuar atyre trajnime online të fushave të ndryshme. Gjithashtu i dhamë mundësinë të rinjve të promovojnë veten dhe punën e tyre duke u bërë pjesë e rubrikës “Zëri i të rinjve” e cila përmblodhi shumë mesazhe dhe ese të krijuara nga të rinjtë në kuadër të situatës së krijuar.

Kjo rubrikë vazhdon të jetë e hapur për të gjithë të rinjtë të cilët kanë dëshirë të promovojnë materialet e tyre në faqen tonë www.youthact.al. Nëse keni dëshirë ti bashkoheni të rinjve aktiv, dërgoni materialet tuaja në adresën info@youthact.al