Home / Njoftime dhe Aktivitete / Prezantohet Karta Rinore në Shkodër

Prezantohet Karta Rinore në Shkodër

Qendra ARKA ura lidhëse për aplikimin dhe shpërndarjen e kartave

Qendra Rinore “ARKA” në qytetin e Shkodrës bëhet bashkëpunëtorja e parë e Kartës Rinore Evropiane. Gjatë një aktiviteti shumë interesant në këtë qendër të re, pjestarët e stafit të Youth Act, të shoqëruar nga koordinatorja e kartave për qytetin e Shkodrës , bënë një prezantim para të rinjve të interesuar, për të mirat dhe dobitë e kartës, jo vetëm si një mjet për zbritje mimesh por edhe si një mjet për fuqizimin e të rinjve dhe përfshirjen e tyre në aktivitete dhe projekte të ndryshme.

Drejtuesit e Qendrës Arka, misioni I së cilës është I njëjtë me atë të Youth Act u shprehen shumë të gatshëm të jenë ambasadorë të Kartës Rinore për Shkodrën.

Në bazë të kësaj marrëveshjeje, të gjithë rë rinjtë që dëshirojnë të pajisen me Kartën Rinore, mund të drejtohen pranë Qendrës Arka për të bërë aplikimin si edhe tërheqjen e saj.

Në fund të takimit të djeshëm u shpall edhe konkursi “Dizajni më i mirë për Kartën Rinore Evropiane”. Nga ky konkurs do të ndahen dy cmime, I parë dhe I dytë të cilat do të shpërblehen në vlerë monetare.

Youth Act falenderon Qendrën “Arka” për bashkëpunimin dhe gatishmërinë për pajisjen e të rinjve shkodranë me këtë kartë.

Shkodra është qyteti I dytë pas Tiranës me numrin më të madh të zbritjeve, të cilat pritet të shtohen gjithnjë e më shumë.