Home / Kurse dhe Trajnime / Panairi i Konkursit Muzikor 2018 | Danimark

Panairi i Konkursit Muzikor 2018 | Danimark

 

Afati i aplikimit: 1 Gusht 2018

Thirrje për: artist solo, banda ose grupe anëtarët e të cilave janë 18-35 vjeç, pavarësisht kombësisë apo nacionalitetit.

Përfitimet: Performancë në Kopenhagen të Danimarkës me rastin e Panairit Muzikor (Fair Play). Janë të mbuluara shpenzimet e udhëtimit, të ushqimit, të akomodimit, gjithashtu edhe një tarifë prej 500 euro për bandë. Artistët duhet të mbulojnë shpenzimet e shëndetit në udhëtim.

Përshkrimi

Panairi i Konkursit Muzikor kërkon këngë origjinale nga artistë të rinj (18-35 vjeç) me temë anti-korrupsionin, integritetin dhe angazhimet për drejtësinë sociale. Artistët janë të ftuar të prezantojnë krijimet e tyre anti-korrupsion. Dy krijimet më të mira do të ftohen në Danimarkë për të marrë pjesë në Konferencën Ndërkombëtare Anti-Korrupsion ( International Anti-corruption Conference (IACC ) e cila zhvillohet në vende të ndryshme çdo 2 vjet.

Kushtet e aplikimit

  • Panairi i Muzikës është i hapur për cdo artist solo, banda ose grupe anëtarët e të cilave janë 18-35 vjeç, pavarësisht kombësisë apo nacionalitetit.

  • Artistët duhet të konkurojnë me një pjesë anti-Korrupsion.

  • Grupet nuk duhet të kenë më shumë se 8 anëtarë.

  • Këngët duhet të jenë origjinale (jo covers).

  • Aplikimet mund të jenë të regjistruara ose transmetime live.

  • Të gjitha këngët duhet të përmbajnë tematikë të lidhur me antikorrupsionin, integritetin dhe angazhimet për drejtësinë sociale.

  • Video duhet të paraqesë vetëm 1 (një) këngë (jo miksime).

  • Teksti mund të jetë në cfarëdolloj gjuhe, por aplikantët duhet të bashkëngjisin tekstin e përkthyer në anglisht bashkë me regjistrimin.

2 krijime do të përzgjidhen për tu bërë pjesë e Panairit të Muzikës: një koncert live i organizuar në bashkëpunim me ( International Anti-corruption Conference (IACC). Artistët duhet të jenë të gatshëm të udhëtojnë dhe të performojnë brenda datave 20-25 tetor 2018.

Si të aplikoni

Për të aplikuar plotësoni formularin e aplikimit.

Regjistrimet  pranohen deri në 1 Gusht 2018, ora 18:00, ora e Evropës Qendrore (CET); Fituesit do të shpallen në website-in e Fair Play ditën e Hënë, datë 20 Gusht 2018. Fituesit do të njoftohen me telefon dhe/ose email.

Për më shumë informacion vizitoni faqen zyrtare .

Apliko tani!