Home / Rubrikë / Zëri i të rinjve / Ne mundemi!

Ne mundemi!

 

Jetojmë në Shqipëri dhe e dimë, që ajo ka probleme!

Vendi ynë është nje vend I vogël me të mirat dhe të këqijat e saj. Nuk ka një ditë që ne nuk përballemi me lajmet nga më të ndryshmet për vendin tonë. Unë si individ i kësaj shoqërie kam disa të drejta në këtë vend. Por ajo që ne duhet të bëjmë është të fillojmë të mendojmë më thellë për të ardhmen që na pret,tek ne të mbizoteroje pozitiviteti dhe jo negativiteti.

Një ndër problemet që ne hasim si shoqëri është dhe varfëria e familjeve shqiptare. Ndërsa unë, ti ngrohemi në një shtëpi komode, shumë familje shqiptare janë jashtë, po dridhen nga i ftohti, po vdesin dhe nga uria. Tani une sapo bëra cantën për në shkollë, por jam e vetëdijshme që shumë fëmijë pavarësisht dëshirës së madhe për të shkuar në shkollë nuk kanë mundësi ekonomike.

Një tjetër problem në shqipëri është edhe dhuna ndaj grave dhe fëmijëve. Nuk e kuptoj se pse Zoti iu jep fëmijë prindërve të tillë? Pse në Shqipëri ekziston akoma ai mentaliteti “i hidhur” i burrit mbi gruan? Ku gruaja ska asnjë të drejtë në familje dhe vetëm të lajë, të gatuajë, të kujdeset për fëmijët, po ashtu për shkak të këtij mentaliteti gruaja ska të drejtë të punojë dhe në darkë nga një gjë sado e vogel që nuk pëlqen burri ushtron dhunë mbi të,a thu ajo është një send i pavlerë! Unë bashkë me të tjerët kam të drejtën e marrjës së këtyre vendimeve që të mos ekzistojnë. Por cfarë bëjmë ne?

Nga mungesa e vizionit dhe injoranca qytetare votën tonë e shesim për një thes mielli. Po ju o popull e dini se shitja e votës është vetëskllaverim. Brezi jonë duhet të reflektojë tashmë. Ne duhet të kuptojme se ne e kemi në dorë ndryshimin e vendit tonë.

Sa ne blejmë rroba markash nga më të njohurat duhet të mendojmë “Prit njëherë se unë blej këto rroba, por dikush ska cfarë të veshë ose cfarë të hajë”. Dhuroni o njerëz gjëra nga më të ndryshmet, se një gjest sado i vogël bën të lumtur një familje. Po ashtu o femra,femijë gjeni forcën dhe kurajon për ta mposhtur këtë fenomen, që dita ditës po bëhet problem kryesor për vendin tonë.

Të bashkohemi e të bëhemi Një për ta sulmuar këtë “mentalitet” se vendi duhet të përparojë, familja dhe miqtë duhen mbështetur.

Të gjithë së bashku kemi të drejten për ta ndryshuar Shqipërinë sepse ne jemi “Zotat” e kësaj toke.

         TË GJITHË SË BASHKU NE MUNDEMI.

           Për një Shqipëri më të mirë!

 

                                                                                   Klaudia Ndoci