Home / Rubrikë / NË LONDËR MUND TË SHKOSH NË PALESTËR PËR TË FJETUR

NË LONDËR MUND TË SHKOSH NË PALESTËR PËR TË FJETUR

 

Nuk është shaka por në Britaninë e Madhe hapet palestra për të fjetur: “Kursi i gjumit të pasdrekes”. Kursi quhet pikërisht  “napping” (dremitje) dhe është i hapur për këdo. Salla e veglave ka krevatë me dyshekë të butë, jastëk  dhe mbulesa ku klientët mund të qetësohen për 45 minuta në gjumë pa asnjë zhurmë.

Ideja vjen nga rrjeti i mirënjohur i palestrave britanike David Lloyd Clubs.  Lloyd pasi vrojtoi të dhënat që prindrit kishin lënë ndërkohë që sillnin fëmijët në palestrat e tij, vuri re se 86% e prindërve që shoqëronin fëmijët deklaronte se ishin të lodhur që kur hynin në palestër. Kështu Llyoid mendoi për një kurs të veçantë të posaçëm për ta, por që mirëpret çdo person tjetër që ka nevojë e mund të bashkohet në dremitjen rigjeneruese.

Që në kurset e para është vënë re interesi i madh i personva për të marrë pjesë në këtë aktivitet. “Sportistët” pajisen me një maskë për të mbuluar sytë nga drita. Ushtrimi zgjat 45 minuta dhe salla ka temperaturë të ngrohtë për të djegur kaloritë gjatë gjumit

Bashkëpunëtorët e palestrës thonë se gjumi është vërtetë shumë i rëndësishëm për aktivitetin fizik “është thelbësor për mirëqënien psiko-fizike” kujton Kathryn Pinkham, ekpsert i gjumit dhe pagjumësisë. “Ata që flenë pak janë të prirur të zhvillojnë ankthin dhe depresionin përveç se nuk kanë energjinë e duhur për t’u stervitur rregullisht”, vazhdon Pinkham.

Kjo iniciativë pati shumë sukses pasi është një palestër alternative, të cilën edhe më dembelët do ta duan shumë. Pra nëse dëshironi të provoni këtë eksperiencë nuk ju mbetet gjë tjetër veçse të merrni biletën për Londër.