Home / Njoftime dhe Aktivitete / Menaxhimi i produkteve në një kompani në rritje

Menaxhimi i produkteve në një kompani në rritje

Në takimin tonë të rradhës do të kemi të ftuar Alen Saqen, CEO dhe bashkëthemelues i Dentem, një nga startup-et më të sukseshme në Shqipëri që po zgjerohet me shpejtësi në tregun ndërkombëtar.

Aleni ka kryer studimet në fushën e biznesit por në të njëjtën kohë është një prgramues tepër i talentuar. Në fakt ai vazhdon të programojë shumë nga aspektet e Dentem. Roli i tij kryesor sigurisht është menaxhimi i produkteve dhe shërbimeve të ofruara nga Dentem, si dhe vizionit dhe strategjisë së kompanisë.

Prandaj në këtë takim do të flasim për menaxhimin e produkteve në kompani me rritje të shpejtë.

Aleni dhe ekipi i tij kanë implementuar metodologjitë më të fundit të menaxhimit të produkteve falë edhe eskperiencave të tyre ndërkombëtare. Aleni vjen nga një eksperiencë në Silicon Valley si pjesë e FbStart, një program i Facebook që ndihmon startup-et të zgjerojnë biznesin. Ai gjithashtu ishte i ftuar në konferencën e përvitshme të Facebook, F8 ku pati mundësi të shihte nga afër se si menaxhohen produktet në Silicon Valley.

Si të menaxhojmë produktin në mënyrë efektive dhe të mbajmë ritmin e rritjes së kompanisë? Si të arrijmë një performancë të lartë nga ekipi zhvillues, design dhe menaxhimit të produkteve? Cilat janë metodat më të fundit që përdorin kompanitë në Silicon Valley? Si të përfitojmë nga infrastruktua cloud, dhe menaxhimi i microservices?

Këto dhe shumë pyetje të tjera do kemi mundësinë t’i diskutojmë gjatë takimit. Rezervoni vendin tuaj 🙂

50% zbritje për anëtarët e Kartës Rinore Evropiane.

AGENDA:
17:30 Rrjetëzim
18:00 Prezantim dhe diskutim me Alenin
19:00 Rrjetëzim