Home / Njoftime dhe Aktivitete / LOVE @ CreativeMornings Tirana

LOVE @ CreativeMornings Tirana

Cover-FB-LOVE-shqip

Tema globale e muajit korrik për CreativeMornings Tirana është DASHURIA. Për të biseduar rreth kësaj teme kemi zgjedhur Brigela Demaj, fotografe, që e zhvillon aktivitetin e vet kryesisht në Shkodër.
Aktiviteti do të mbahet te bar-club Hemingway, ditën e premte datë 29 korrik, ora 9:30.

“Mendoj që dashuria nuk e meriton përpjekjen që e bajm ne njerëzit dhe e kena ba historikisht për ta emëru, për t’shpik njësi matëse të dimensionit të saj, apo në rastet ma banale, ta kushtëzojmë përmes institucioneve të ndryshme apo lidhjeve imagjinare mes saj dhe moralit. Prandaj, unë nuk mundem me than ça asht ose ça përfaqson dashuria për mu. Cilado përgjigje do t’ishte vetëm qasje personale, që me gjithë gjasat e mundshme do ishte mediokre përpara fjalës, përpara dashurisë vetë.

Nëse më duhet të flas për dashurinë në qytetin tem të lindjes, do të më duhej të shkoja shumë thellë në rrënjët e problemit. Problemit se si dy njerëz e shofin njani-tjetrin në të tana mënyrat e mundshme, përveçse si dy qenie njerëzore, të afta e të lira me dashuru. Kjo vjen nga dallimet klasore, gjinore e deri dhe fetare që Shkodra i ushqen edhe sot.
Ajo që bjen n’sy asht që të tan tentojnë me dashuru “mrenda llojit”. Mos të keqkuptohena, nuk po flas për dashuri mes seksit të njëjtë, aty Shkodra nuk toleron. Deri këtu po flas për dashurinë erotike.
Përsa i përket dashurisë së formave të tjera, si ajo në familje, e cila më pëlqen ta cek, mendoj që vuajmë halá sot e kësaj dite nga koncepte të shtrembëra mbi dashurinë, të gjitha të ndikume nga “rolet” në familje, role këto të ndame në bazë mendësish të vjetra patriarkale, që mesa duket ekzistojnë dhe ruhen me fanatizem edhe sot.

Për hir të sinqeritetit më duhet të them që edhe unë kam ken dikur “viktimë” e këtyre mendësive të kalbura, që na trashëgohen e që nuk kisha dasht me ia trashëgu njeriu. Jam përpjek me shpreh e manifestu qëndrimin tem përmes fotografisë, artit e vetë jetës teme duke has vështirësi në këtë të fundit. Të vij deri këtu, ta mendoj dashurinë ashtu siç ajo asht në të vërtetë, gjithpërfshirëse, e shkëputun nga gjithçka mund të hulumtojmë mbi të, sigurisht ka ken udhëtim.
Gjithçka mund të them mbi dashurinë asht që ndodh. Gjithmonë, nëse jena me fat.”

Jeni të lutur të hapni llogarinë tuaj në faqen globale të CM dhe të bëheni pjesë e komunitetit tonë duke zgjedhur gjatë aplikimit chapter: http://creativemornings.com/cities/tir/community

Apliko tani pjesmarjen tënde!!

[contact-form-7 404 "Not Found"]

 

[responsive-flipbook id=”youth_magazineee_korrik_2016″]