Home / Njoftime dhe Aktivitete / Konkursit Kombëtar Letrar rreth veprës “Të mjerët”

Konkursit Kombëtar Letrar rreth veprës “Të mjerët”

Në kuadër të projektit projektit “Promovimi i të drejtave të fëmijëvë dhe të të rinjve përmes kryeveprave të letërsisë“, i cili financohet nga Bashkimi Evropian dhe mbështetet nga Wolrd Vision Albania & Kosovo, Qendra Youth Act organizoi eventin final të Konkursit Kombëtar Letrar rreth veprës “Të mjerët” të shkrimtarit francez Viktor Hygo.
Qëllimi i aktivitetit ishte ilustrimi i të drejtave të përmes personazheve, situatave dhe ndodhive të veprës, duke kombinuar aspekte teorike dhe praktike të fushës së ligjshmërisë dhe të drejtave të njeriut.
11 skuadrat pjesëmarrëse nga Berati, Elbasani, Fieri, Durrësi, Korça, Kukësi, Lezha, Shkodra e Vlora, të cilat rezultuan fituese në konkursin në nivel lokal, dëshmuan në finale një shpirt të fortë gare dhe zotërim me kompetencë të të tre vëllimeve të veprës.
Pas fazave eliminatore e gjysmëfinale, në finale mbërritën gjimnazi i Durrësit “Naim Frashëri”, gjimnazi i Lezhës “Lezha Academic Center” dhe gjimnazi “Janaq Kilica” i Fierit. Gara ishte shumë e fortë dhe emocionuese. Pyetjet me shtjellim treguan nivel të lartë përgatitjeje dhe përgjigjet ishin mbresëlënëse.
Fitues u shpall gjimnazi “Naim Frashëri” i cili u ndoq nga gjimnazi “Janaq Kilica” dhe “Lezha Academic Center”.