Konkursi i parë Rajonal mbi veprën e Viktor Hygo “Të mjerët” | Vlorë

Në datën 31 Maj 2019, në një atmosferë tejet të ngrohtë, të krijuar në sajë të mbështetjes së drejtuesve të Qendrës Rinore Vlorë, të mësuesve të letërsisë si dhe të nxënësve bashkëmoshatarë të skuadrave konkurruese, u zhvillua Konkursi Rajonal për qytetin e Vlorës. Në përfundim të kësaj faze të Konkursit, vendi i parë i shkoi skuadrës së Gjimnazit “Ali Demi”, vendi i dytë skuadrës së shkollës së mesme jopublike “Nr. 1” dhe vendi i tretë, sërish Gjimnazit “Ali Demi”.

Ky konkurs u zhvillua në kuadër të projektit “Të promovojmë të drejtat e fëmijëve dhe të të rinjve përmes kryeveprave të letërsisë”. Ky projekt zbatohet nga Qendra Youth Act, i financuar nga Bashkimi Europian dhe me mbështetjen e World Vision in Albania and Kosovo dhe South East European Youth Network.