Home / Njoftime dhe Evente / Konkursi i parë Rajonal mbi veprën e Viktor Hygo “Të mjerët” | Lezhë

Konkursi i parë Rajonal mbi veprën e Viktor Hygo “Të mjerët” | Lezhë

Në datën 29 maj 2019, në Bibliotekën e Qytetit të Lezhës u zhvillua konkursi mbi veprën e shkrimtarit francez Viktor Hygo, “Të mjerët”. Pavarësisht numrit të ulët, Konkursi u realizua mjaft bukur, pati shpirt të vërtetë gare dhe skuadrat luftuan deri në fund. Skuadër fituese e vendit të parë u shpall “Lezha Academic Center”, kurse në vend të dytë Gjimnazi “Hydajet Lezha”. Shkolla e mesme jopublike “Lezha Academic Center” do të vazhdojë në fazën finale të Konkursit, që do të mbahet në Tiranë.

Ky konkurs u zhvillua në kuadër të projektit “Të promovojmë të drejtat e fëmijëve dhe të të rinjve përmes kryeveprave të letërsisë”. Projekti zbatohet nga Qendra Youth Act, i financuar nga Bashkimi Europian dhe me mbështetjen e World Vision in Albania and Kosovo dhe South East European Youth Network.