Konkursi i parë Rajonal mbi veprën e Viktor Hygo “Të mjerët” | Berat

Në qytetin e Beratit, në datën 23 maj 2019, u zhvillua Konkursi i parë Rajonal mbi veprën e Viktor Hygo “Të mjerët”.  Në këtë ngjarje morën pjesë gjashtë skuadra nga katër shkolla të mesme të qyteti të Beratit, dy gjimnaze publike, gjimnazi “Babë Dudë Karbunara” dhe gjimnazi “Kristaq Capo” si dhe dy shkolla jopublike të mesme, shkolla “Irfan Ngjeqari” dhe shkolla “Drita e Dijes”. Nxënësit e qytetit të Beratit shpalosën një nivel të lartë të zotërimit të romanit, njohuri të admirueshme rreth tematikave të saj si dhe një shpirt gare të lavdërueshëm. Në përfundim të këtij Konkursi, fituese e vendit të parë u shpall skuadra e shkollës “Irfan Ngjeqari”, në vend të dytë, skuadra e shkollës “Drita e Dijes” dhe në vend të tretë, skuadra e shkollës “Babë Dudë Karbunara”.

Aktiviteti u zhvillua në kuadër të projektit “Të promovojmë të drejtat e fëmijëve dhe të të rinjve përmes kryeveprave të letërsisë”. Ky projekt zbatohet nga Qendra Youth Act, i financuar nga Bashkimi Europian dhe me mbështetjen e World Vision in Albania and Kosovo dhe South East European Youth Network.