Home / Njoftime dhe Evente / KARTOLINA “UNË E ❤ VENDIN TIM”

KARTOLINA “UNË E ❤ VENDIN TIM”

Ministria e Mirëqenies Sociale dhe Rinisë hap thirrjen për realizimin e kartolinës me titull “unë e dua vendin tim”, ku përmes krijimeve të të rinjve do të prezantohen pamjet më mahnitëse që e bëjnë vendin tonë unik, dhe përfaqësojnë jetën në qytete dhe komunite.


Kartolina “unë e dua vendin tim” do të realizohet në formën e një konkursi, përmes fotove apo pikturave me pamje nga qytetet e ndryshme të Shqipërisë si: natyra, historia, njerëzit, folklori, tradita, arti, figurat e shquara të qytetit, monumetet e trashëgimisë kulturore, burimet lokale e të tjera. Në konkurs ftohen të gjithë të rinjtë nga mosha 15 – 29 vjeç, të shprehen përmes krijimeve në foto apo pikturë, se çfarë duan më shumë nga vendlindja e tyre.


Të gjitha fotot apo pikturat do të publikohen on-line, me qëllim promovimin dhe prezantimin e pamjeve nga qytetet e ndryshme të vendit, duke shprehur çfarë Shqipëria ka për të ofruar. Ndërsa kartolinat më të votuara do të ekspozohen pranë Qendrës Rinore Tiranë, më pas do të publikohen në formën e një kalendari, gjithashtu tre kartolinat më të mira do të vlerësohen me çmime.


Nëse jeni të interesuar për tu bërë pjesë e kartolinës “Unë e dua vendin tim”, Ju ftojmë të dërgoni krijmet tuaja online apo me postë zyrtare brenda dates 24 Nëntor 2015 (Në krijim të citohet emri, qyteti dhe përshkimi deri në 1 rrjesht)


Adresat ku ju mund të dërgoni fotot dhe pikturat janë:

  • riniammsr@gmail.com
  • Ministria e Mirëqenies Sociale dhe Rinisë, Rruga Kavajës, Tiranë, Shqipëri.