Home / Njoftime dhe Evente / Karta Rinore Europiane zhvillon sesion informues në Universitetin “Aleksandër Moisiu”

Karta Rinore Europiane zhvillon sesion informues në Universitetin “Aleksandër Moisiu”

Në datë 1 shkurt, 2019, Karta Rinore Evropiane mori pjesë në aktivitetin e organizuar në kuadër të 1-vjetorit të themelimit të Klubit të Juristëve të Rinj.

Në aktivitetin e moderuar nga znj. Olta Qejvani, lektore e së Drejtës Europiane dhe nismëtare e krijimit të Klubit morën pjesë studentë nga Universiteti “Aleksandër Moisiu”në Durrës.

Në fjalën e tij, Dekani i FSHPJ-së, Prof. As. Dr. Andon Kume, u shpreh krenar për arritjet e Klubit dhe punën e tij për promovimin e Fakultetit dhe Universitetit. Gjithashtu ai ftoi studentët të bëhen pjesë e aktiviteteve rinore të zhvilluara nga Qendra Youth Act.

Gjatë këtij takimi studentët u njohën me mundësitë që ofron Karta Rinore Evropiane në Shqipëri dhe Europë, duke ofruar zbritje çmimi dhe pjesëmarrje në trajnime të ndryshme.