Fuqia e rinisë në vendimmarrje

 Nga Renato Shkulaku

Shqipëria, edhe  pse është  një  vend  i vogël, mbart vlera të mëdha historike, kulturore apo edhe pasuri nën dhe mbi tokësore, të cilat në menaxhimin e duhur, mund të përmirësojnë ndjeshëm cilësinë e jetës. Por fatkeqësisht, edhe pse e bekuar me këto pasuri,ajo ka qenë dhe mbetet e prapambetur, dhe kushtet e jetesës vazhdojnë të jenë për të ardhur keq. Faktorët  janë të shumtë, por më kryesori mbetet politika, ku udhëheqësit tanë  mendojnë vetëm të mbushin “xhepat”e tyre dhe të mbështetësve,  duke lënë “arkën ” e shtetit dhe të qytetarëve bosh. Ky fenomen negativ, duket se nuk do ndryshojë edhe për shumë  kohë, pasi njerëzit, veçanërisht, ne  rinia, nuk po reagojmë fare, por vazhdojmë të ecim në drejtimin e gabuar,ku në vend të mendojmë se si të “luftojmë” për të mirën e vendit tonë, shohim mundësi se si të largohemi jashtë shtetit.

Por ç’farë duhet të bëjmë  që  ky realitet i hidhur, që mbizotëron në Shqipëri sot të ndryshojë, dhe si mund ti bëjmë  njerëzit të jetojnë  me dëshirë  këtu dhe jo të mendojnë për braktisjen e vendit?

Siç e dimë, “ajka” e një populli mbetet rinia. Një rini e mirëarsimuar, një rini e pavarur,qëllimi i së cilës të jetë përmirësimi i kushteve të jetesës dhe lufta ndaj politikanëve apo çdo njeriu të papërgjegjshëm dhe të korruptuar, ka fuqinë për të bërë shumë gjëra si për veten ashtu edhe për të tjerët. Por fatkeqësisht, rininë shqiptare duket se e ka kapluar politika “përça e sundo” ku shohim se shumë të rinj, duke u bërë “lodër” të partive , jo vetëm që nuk bashkëveprojnë me njëri-tjetrin por sillen si armiq. Ndërkohë  kur disa të rinj merren me politikë,shumë të tjerë harxhojnë kohën e tyre duke ndenjur kafeneve apo duke bërë budallallëqe  nga më të ndryshmet dhe nuk mundohen për ti shërbyer vendit.Kshu pra,duke bërë këto veprime të padobishme  ne nuk po arrijmë të bashkohemi por pak nga pak po bëhemi si paraardhësit tanë. Prandaj, që të ndalojmë këtë ,ne duhet të ndryshojmë rrënjësisht.

Pikë së pari, të gjithë ne, nuk duhet të jemi të përçarë, por duhet të bashkohemi dhe të kemi një qēllim të pērbashkët, zhvillimin e vendit,duke luftuar korrupsionin,dhe çdo njeri që e mbështet atë. Kjo bëhet duke mos pasur frikë për të denoncuar çdo rast të dyshimtë dhe duke besuar tek demokracia, ku nëse se gjejmë këtu,mund ta gjejmë tek vendet europiane, apo Amerika,të cilat do mbeten vende frymēzuese dhe mbështetëse për ne. Ne duhet të jemi një forcë aq e madhe,sa duhet të ndikojmē në vendimmarrjet e politikanëve tanë,duke miratuar ato që janē në dobi për ne,dhe duke kundërshtuar vendimet që  cënojnē liritë dhe të drejtat tona. Por nga ana tjetër ne duhet të tregojmë pjekuri dhe aftësi në vendimmarrje,që të jemi të zotët e vetes,duke mos ju dhënē të tjerëve, mundësi për të na përdorur.  Prandaj të mos “luftojmë” njëri-tjetrin, të mos rrimë kot kafeneve,etj,por të studiojmë,të formojnë veten tonë nē çdo aspekt dhe në këtë mënyrë askush nuk mund të na shfrytëzojë. Nëpērmjet përfaqësuesve, të zgjedhur nga ne,sepse sa do të pjekur,ne mbeemi të rinj,dhe kemi nevojë për përfaqësim, do të mundësojmë që zëri jonē të dēgjohet. Pra, ndryshimi fillon nga vetja. Nëse ne ecim me këtë ritëm, nuk do bëjmē asgjë as për veten tonë,as për vendin ,as edhe për pasaardhësit. Por duke ndryshuar, duke zhvilluar aktivitete , duke u bashkuar të gjithē, ne me patjetër do kemi peshë në vendimmarrje të vendit tonë, dhe duke qënë pjesmarrës, smund të lejojmë që askush të cënojë “jetët” tona.