Duaje dhe çmoje veten dhe jetën! Nga Juela Pjetergjokaj

Kjo periudhë e pandemisë na ka bërë të reflektojmë më shumë mbi  jetën tonë e cila preket në mënyrë direkte. Na ka bërë të kuptojmë se të gjithë jemi të cënueshëm, askush nuk është aq i sigurt sa mendonte dhe na ka bërë të besojmë se ndonjë here e vetmja rrugë shpëtimi është ti bashkohemi të vetmes zgjidhje egzistuese. Na ka bërë të vlersojmë  shancet e dyta që na jepen cdo ditë. Nëse deri dje  besonim në zot, në forcen e natyrës, në forcen e universit dhe asaj të shkencës, sot besojmë dyfish më shumë.

Kjo periudhë vërtetoi më së miri që ne të gjithe jemi të barabartë si para jetës ashtu dhe para vdekjes. Të gjithë patëm frikë si në nivel individi ashtu dhe në nivele më të larta, si i pasuri, si i varfëri, si njeriu i thjeshtë si ai me famë, si fëmija ashtu dhe i rrituri, si shtetet e vogla në zhvillim ashtu të ashtuquajturat Hegjemon. Të gjithë ishim të rriskuar. Por pavrësisht të gjithave asgjë nuk e mohon faktin që  të gjithë ne si individë  jemi një faktor kyc, në politikë dhe shoqëri. Jemi një nga hallkat e zinxhirit të procesit të gjatë jetësor me rol dhe peshë të caktuar. Prandaj është gjithmonë e rendesishme të kuptojmë se sa shumë vlejmë.

Duaje dhe çmoje veten dhe jetën! Vlërsoje familjen si të vetmen mburojë të sigurte!

Uroj që kjo situatë të kalojë sa më shpejt dhe të ketë shërbyer si moment reflektimi për të gjithë dhe pas saj të vlersojmë atë që kemi gjënë më të rëndësishme, SHËNDETIN!

Juela Pjetergjokaj

Studente – Master, Studime Rajonale Politike në Universitetin e Tiranës