Home / Njoftime dhe Evente / Dita e Hapur: Mundësitë për Bursa studimi për studentë dhe të rinj”

Dita e Hapur: Mundësitë për Bursa studimi për studentë dhe të rinj”

 

Jeni të interesuar për të studiuar jashtë?
Erdhi mundësia që ju kërkonit!
Ministrina e Punëve të Jashtme, do të organizojë në datën 17 mars 2017, ora 12:00, në Pedonalen e Shkodrës, aktivitetin me titull: “Dita e Hapur: Mundësitë për Bursa për studentët dhe të rinjtë”.

Janë të mirëpritur të gjithë studentët shqiptarë që janë të interesuar për të vazhduar studimet e tyre jashtë vendit me mundësitë që ofrohen nga vendet e ndryshme për përfitimin e bursave studimore.
Aktiviteti nuk do të kufizohet vetëm tek njohja e studentëve dhe të rinjve me këto mundësi, por në të njëjtën kohë do të shoqërohet edhe me shpjegime më të detajuara rreth bursave specifike dhe mënyrës së aplikimit për secilin rast.
Aktiviteti ka si qëllim kryesor njohjen e studentëve të drejtimeve dhe niveleve të ndryshme për t’u njohur më nga afër me mundësitë që ekzistojnë për të vazhduar studimet e tyre jashtë vendit, nëpërmjet përfitimit të bursave ndërkombëtare.
Të gjithë studentët dhe të rinjtë janë të ftuar të jenë të pranishëm në këtë takim.