Dhuroni sa më shumë dashuri, kjo është forca që mund vetë forcën | Nga Anisa Malliku

Ndonjëherë  na kalojnë ditët pa u ndalur të mendojmë se sa e bukur mund të jetë jeta, dhe janë pikërisht këto ditë sfiduese për botën ku ne e gjetëm këtë kuptim çdo moment  në gjithçka. Ndonjëherë na duhet një “trokitje” e lehtë dhe e papritur në derën e mendjes tonë , e cila i ka mbyllur realitetit këtë derë dhe horizontin për tu strukur  aty brenda në dhomën e përditshmërisë. Vërtet, na nevojitej kjo trokitje nga ky mik i panjohur  për të gjithë ne , ndoshta i panjohur dhe padëgjuar më parë, por u bë domethënia e një reflektimi  që i mungonte apo i kishte humbur secilit nga ne.

Situata e pandemisë COVID-19  vërtet që ka kapluar botën dhe na është dashur të mbyllemi në shtëpi , e për të bërë këtë ne sakrifikuam shumë nga rutina jonë dhe ditët e zakonshme , por ishte gjëja më e mirë që duhet të bënte secili nga ne, për t’ju rikthyer sërish rrjedhshmërisë së ditëve tona normale të jetës.

Kjo kohë që po kalon secili nga ne brenda në shtëpi  nuk është një kohë izolimi apo shqetësimesh , por përkundrazi është kohë reflektimi dhe mund të them personalisht koha perfekte për ta shfrytëzuar në cdo sekondë të saj. Është koha për të mësuar gjëra të reja , ato gjëra që nuk mundëm t’i bënim asnjë ditë ku cdo moment i kohës tonë justifikohej se ishte i zënë. Kjo është situata ku ne kuptojmë vërtet kuptimin e fjalës dashuri, ku ne arrijmë të kuptojmë  se gjërat e vogla e të thjeshta të jetës paskan qenë gjithmonë ato që nuk paskan një vlerë monetare dhe thjesht duke kthyer kokën pas , kupton se pikërisht këto gjëra që nuk paskan kërkuar vëmendjen tonë , e paskan merituar plotësisht atë.

Shfrytëzoje këtë kohë duke falenderuar cdo moment që po kalon aty, pranë familjes tënde , duke falur dashuri pafund e duke qenë i lumtur. Pa e kuptuar më parë që dashuria e  vërtetë është gjithmonë aty pranë nesh , por jemi ne ata që e paskemi shtyrë tutje duke mos pasur atë kohën e mjaftueshme për ta vlerësuar. Situatat e vështira kanë brenda tyre edhe pjesëza reflektuese dhe të vecanta , pra le ta vlerësojmë këtë situatë dhe gjendje me syrin pozitiv dhe me shpirtin e botës , se të reflektosh dhe besosh përtej kësaj është privilegji  më domethënës.  Merri më të mirën dhe esencën kësaj trokitjeje , unë ashtu bëra, besova se kjo jetë ka shumë gjëra të bukura , mjafton të shikoj përreth meje dhe t’u kushtoja vëmendjen e duhur , sepse gjërat më të vyera në botë qenkan ato që nuk blihen me cmimin e gjithë kësaj bote.

Le të shërbejë kjo eksperiencë si një shëtitje në shpirtin tënd për të zbuluar se çfarë freskie e strukur paskërka  qenë  brenda teje. Bëje  rutinë tashmë këtë gjë, mos të mbetet  thjesht për shkak të kësaj lirie të kufizuar. Mësimi më i vyer  nga e gjitha kjo është dhuroni sa më shumë dashuri , kjo është forca që mund vetë forcën.

Anisa Malliku

Studente – Shkenca Politike, viti 2 Bachelor, Universiteti i Tiranës.