Home / Njoftime dhe Aktivitete / Dhurohen 300 Karta Rinore Evropiane, në gjimnazin “Halim Xhelo”, Vlorë

Dhurohen 300 Karta Rinore Evropiane, në gjimnazin “Halim Xhelo”, Vlorë

“Youth Act Albania” në kuadër të projektit “Shkolla Qëndër Komunitare” , dhuroi 300 “Karta Rinore Evropiane” për nxënësit e Shkollës së Mesme “Halim Xhelo” në Vlorë. Gjithashtu, qendra Youth Act prezantoi tek nxënësit edhe zbritjet e çmimeve dhe ofertat që ata do të përfitojnë në mbi 150 biznese në shqipëri, që kanë mbështetur Kartën Rinore Evropiane. Nxënësit u informuan per avantazhet e tjera që ofron karta,për mundësitë e aktivizimit dhe pjesëmarrjes së tyre në projekte dhe konkurse rinore, informacion për trajnime dhe bursa brenda dhe jashtë vendit.

“Karta Rinore Evropiane” është mbështetur nga disa biznese në qytetin e Vlorës duke ofruar zbritje çmimesh për nxënësit dhe të rinjtë e Vlorës. Stafi i Youth Act është në kontakt të vazhdueshëm me biznese të tjera për të shtuar numrin e tyre që të ofrojnë zbritje cmimesh për të gjithë të rinjtë e pajisur me këtë karte. Qëllimi i Kartës Rinore Evropiane është fuqizimi të rinjve duke i krijuar lehtësira dhe mundësi kursimi.